O‘zbekiston respublikasi qishloq xo‘jalik

Omborxonalarni shamollatib turish tizimi. Texnologiya jihatidan qaraganda bu mahsulot saqlash uchun zarur tartibni vujudga keltiradigan muhim uskunalar tizimidir. Omborxonalarni shamollatish tizimini tabiiy va majburiy ventilyatsiyalarga bo‘lish mumkin. Faol ventilyatsiyalash uning bir turidir (9-rasm).

Tabiiy shamollatishda issiqlik fizikasi qonunlariga binoan yuqoriga ko‘tarilib, o‘rniga sovuqroq va og‘irroq havo pastda to‘ladi. Natijada havoning tortilish kuchi vujudga keladi. Havoning almashuvi nechog‘li zo‘raysa, omborxona ichidagi va tashqarisidagi harorat tafovuti shu qadar oshadi. Bu tafovut kuzda uncha katta bo‘lmaydi, shu sababli tabiiy shamollatib sovitish samaradorligi ham sezilarli emas. Kunning (tashqi haroratga nisbatan) qulay paytlarida tuynuklar orqali omborxonani shamollatishga to‘g‘ri keladi. Qishda esa, tashqaridagi harorat pasayib ketib, mahsulotni sovuq urmasligi uchun ventilyatsiya quvurlarining hamma to‘siqlari yopilib, havo almashuvi to‘xtatiladi.