O‘zbekiston respublikasi qishloq xo‘jalik vazirligi

Ishning maqsadi: omborlar va qayta ishlash qorxonalarida qo‘llaniladigan transport uskunalarning asosiy parametrlarni aniqlashni o‘rganish.
Ishni bajarish tartibi: Transport uskunalarga quyidagilar kiradi: lentali, plastinkali, shnekli, rolikli, pnevmatik, gidravlik va boshqa transportyorlar, noriyalar, nasoslar; yuk tashish telejkalar va pogruzchiklar elektrotelfer va h.k. Ishlab chiqarish sexlari va omborlarda katta yuklarni mexanik telejkalar, avto va elektrogruzchiklar, shtabelyor-kranlar yordamida tashiladi. Qoplar, yashiklar, bochkalarni tashish uchun telejkalar qo‘llaniladi.
Transportyorlar turli hil bo‘lib halq xo‘jaligining barcha tarmoqlarida keng qo‘llanilidi. Ular yuvish, kesish, qovurish va boshqa apparatlarning asosiy ishchi qismi hisoblanadi.
Transportyorlar asosiy xomashyo va qo‘shimcha materiallarni, idishlar, tayyor mahsulotlarni tashish, inspektsiya, saralash, tozalash kabi texnologik jarayonlarni bajarish uchun qo‘llaniladi. Ular statsionar, ya’ni aniq bir joyda joylashgan va ko‘chma bo‘ladi.
Lentali transportyorlar. Lentali transportyorlar sochiluvchan va donali yuklarni uzluksiz ravishda gorizontal yoki qiya yo‘nalashda tashish uchun mo‘ljallangan.
Konstruktsiyasi bo‘yicha transportyor lentasini tutib turivchi element sifatida roliklardan foydalaniladi, lekin roliksiz transportyorlar ham mavjuddir. Birinchi holatda lentaning ishchi tarmog‘i, ya’ni yukni olib ketuvchi qismi barcha uzunligi bo‘yicha roliklarga tayansa, ikkinchi holatda esa transportyorning silliq quzov yuzasiga tayanadi. Lenta ishchi tarmog‘ining qo‘ndalan kesimiga ko‘ra ular tekis yoki tarnovsimon bo‘ladi. Transportyorlar tuzilishi bo‘yicha statsionar, yig‘ma-sektsiyali, va ko‘chma, hamda yon tomonidan ko‘rinishi bo‘yicha gorizontal to‘g‘ri chiziq bo‘ylab yo‘nalgan (8-rasm, a), qiya (8-rasm, b), yuqoriga qavariqli vertikal tekislikga bukilgan (8- rasm, v), quyi qavariqli vertikal tekislikga bukilgan (8-rasm, g) bo‘ladi.

8. rasm: Lentali transportyorlarning yon tomonidan ko‘rinishi

   6. 
      jadval
      

Gorizontal lentali transportyorlarning nominal ishlab chiqarish quvvati (m³/soat)