O’zbekiston respublikasi qishloq xo’jaligi vazirligi

Nazorat uchun savollar:
1. Xususiy va ommaviy huquqiy javobgarlik oʻrtasidagi nisbatni tushuntirib bering. Aynan qanday xususiyatlari bilan fuqarolik huquqiy javobgarlik yuridik javobgarlik tizimiga mansub sanaladi?
2. Fuqarolik huquqida imperativ me’yorlardan koʻra, dispozitiv me’yorlarning kengroq qoʻllanishi fuqarolik-huquqiy javobgarlik doirasiga qay tarzda ta’sir oʻtkazadi. Fikringizni misollar orqali yoritib bering.
3. J.Moʻminov fuqaro A.Yoʻlchiyevning hovlisiga oʻgʻrilikka tushib, 2 million soʻm pulini oʻgʻirladi va oʻz ehtiyojiga ishlatib yubordi. Bir necha oydan keyin uning jinoyati fosh boʻldi va sud hukmi bilan 5 yil muddatga ozodlikdan mahrum etish jazosi tayinlandi. Jazoni oʻtab kelgan J.Moʻminovdan, A.Yoʻlchiev oʻgʻirlangan pulni foizlari bilan qaytarishini talab qildi. J.Moʻminov esa, qilmishi uchun jazo olganligini aytib, pulni foizlari bilan qaytarishni rad qildi.
Masalaga huquqiy baho bering.
4. Fuqaro Z.Isomov 2 yil davomida sigareta chekib yurdi. Vrachlar tibbiy tekshiruvda unda oʻpka raki kasalligini aniqladi. Z.Isomov tamaki fabrikasiga da’vo bildirib oʻpka rakini davolash xarajatlarini toʻlashni talab qildi. Tamaki fabrikasi Z.Ismoilov oʻz ixtiyori bilan sigareta chekkanligini, uning kasal boʻlishida aybi yoʻqligini bildirdi.
Masalaga huquqiy baho bering.
5. A va B toʻyda sovrin uchun kurash tushishadi va B qoʻchqor va qoʻy yutib oladi. Biroq toʻy egasi sovrinni berishni rad etadi. B tanish yurist J.dan maslahat soʻraydi. J ushbu holat mukofot toʻlashni oshkora va’da qilish majburiyatini oʻxshashlik boʻyicha qoʻllash va bu asosda toʻy egasini sovrinni toʻlash boʻyicha fuqarolik-huquqiy javobgarlikka tortish mumkin degan fikrni aytdi.
Ushbu fikr qonuniy asosga egami?