O’zbekiston respublikasi qishloq xo’jaligi vazirligi

5-masala
Kosmik yo‘ldosh orbitadan chiqib ketdi. Natijada, “Ya” davlati hududiga qulab tushdi va tegishli zarar yetkazdi. Jabr ko‘rgan davlat zararni qoplash yuzasidan e’tirozini bildirdi. Kosmik yo‘ldoshni uchirgan davlat o‘zining hech qanday noqonuniy harakat sodir etmaganligini, obyektiv sabablarga ko‘ra yo‘ldosh qulab tushganligini e’tirof etib, zararni qoplash borasidagi vaji o‘rinsiz ekanligi bildiradi.
1. Xalqaro huquqqa ko‘ra kosmik yo‘ldoshni uchirgan davlatning harakatlari huquqbuzarlik hisoblanadimi?
2. “Ya” davlatining kosmik yo‘ldoshni uchirgan davlatga nisbatan e’tirozi haqqoniymi? Agar ha bo‘lsa, mazkur davlatga nisbatan tegishli bo‘lgan javobgarlikka tortish mexanizmini aniqlang.
6-masala
1997-yilning 31-oktabr kuni Nyu-york shahri politsiya xodimlari tomonidan Rossiya Federatsiyasining BMT qoshidagi Doimiy vakili V.Lavrovning xizmat avtomobili kaliti olib qo‘yilgan hamda uning rasmiy missiyasining – ushbu tashkilot Xavfsizlik Kengashi majlisida ishtirok etishiga to‘sqinlik qilingan. Bundan kelib chiqib, Rossiya Federatsiyasi Tashqi ishlar vazirligi ushbu holatni 1961-yilgi Diplomatik aloqalar to‘g‘risidagi Vena konvensiyasining qo‘pol buzilishi degan xulosaga keladi.
Rossiya Federatsiyasining xulosasi asoslimi? Ushbu holatda qaysi normativ-huquqiy hujjatlar asosida vaziyat hal etiladi? Masalani hal etishda 1961-yilgi Vena konvensiyasining qoida va normalarining qo‘llanishi borasida fikr bildiring.
7-masala.
2001-yilning 21-dekabrida Turkmaniston Respublikasining rasmiy hukumati O‘zbekiston Respublikasi elchisi Abdurashit Qodirovni persona non grata deb e’lon qildi va 24 soat ichida mamlakatni tark etishini talab etdi. Buning sababi sifatida, Turkmaniston hukumatining ta’kidlashicha, elchining Turkmaniston Prezidenti Saparmurod Niyazovning hayotiga suiqasd qilishda aloqadorligi isbotlangan.
2002-yilning 16-dekabrida O‘zbekiston vakolatxonasida turkman chekistlari tintuv o‘tkazganlar.
Bunga javoban, O‘zbekiston Tashqi ishlar vazirligi Turmaniston hukumatini vakolatxona binosining diplomatik daxlsizligini buzishda ayblaydi hamda A.Qodirovning suiqasdga aloqasi yo‘qligini ta’kidlaydi.
Ushbu holatga huquqiy baho bering.