Oʼzbekiston respublikаsi qishloq xoʼjаligi vаzirligi oʼzbekiston respublikаsi oliy vа oʼrtа mаxsus tа’lim vаzirligi toshkent dаvlаt аgrаr universiteti

K I R I SH

I.1. Mavzuning dolzarbligi. Respublikamizda tuproqlar unumdorligini saqlash va oshirish, mineral oʼgʼitlardan samarali foydalanish asosida koʼplab turdagi qishloq xoʼjalik mahsulotlarini yetishtirish borasida keng qamrovli chora-tadbirlar amalga oshirilmoqda. Qishloq xoʼjaligida energiya tejamkor texnologiyalarni qoʼllash, oʼsimliklarni makro va mikroelementlar bilan qulay nisbatlarda taʼminlanishi tuproq unumdorligini saqlash hamda har yili 3 million tonnadan ortiq paxta xom ashyosi yetishtirish imkonini bermoqda . Mamlakatimizni jadal rivojlantirish boʼyicha "Harakatlar strategiyasi" doirasida agrokimyo xizmatlari koʼrsatish infratuzilmasini yanada kengaytirish, suv va resurslarni tejaydigan zamonaviy agrotexnologiyalarni joriy etishga alohida eʼtibor qaratilmoqda.

Keyingi yillarda fermer xoʼjaliklarida gʼoʼzani barg orqali qoʼshimcha oziqlantirishda mineral oʼgʼitlardan tayyorlangan suspenziyalar qoʼllanilmoqda. Shular qatorida turli mikrobiologik oʼgʼitlarni ham sinab koʼrish maqsadga muvofiqdir. “Baykal-EM-1” suvli eritma shaklida boʼlib, tarkibidagi mikroorganizmlar tuproqni turli fermentlar, fiziologik faol moddalar hamda boshqalar bilan boyitib, ularning faolligini kuchaytiradi, natijada ular havodagi azotni oʼzlashtiradi. Bu oʼgʼit tayyor holdagi suyuq holda boʼlib, dehqonchilikda qoʼllash uchun meʼyor va muddatlarini ishlab chiqish lozim. Shuningdek, mineral oʼgʼitlarni tahchilligi yuzasidan 2017-yil dekabr oyida Prezidentimiz Oʼzkimyosanoat xodimlari bilan uchrashuvida respublikada mahalliy xom ashyo manbalarni qayta ishlash va qishloq xoʼjaligini mineral oʼgʼitlarga boʼlgan talabini mamlakatimizda ishlab chiqarilgan oʼgʼitlar bilan toʼla taʼminlash borasida qator ilmiy izlanishlarni yuqori darajada tashkil etish va ularni qishloq xoʼjaligida qoʼllashning iqtisodiy samarador usullarini ishlab chiqishni yoʼlga qoʼyish borasida qator chora tadbirlar belgilab olindi.

Oʼzbekiston Respublikasi Vazirlar Mahkamasining 2016-yil 26 dekabrdagi 03-12-7-son «2017-2020-yillarda qishloq xoʼjaligini mineral oʼgʼitlar, oʼsimliklarni kimyoviy va biologik himoya qilish vositalari bilan taʼminlash tizimini yanada rivojlantirish, agrokimyoviy xizmatlar sifatini oshirish boʼyicha kompleks chora-tadbirlari» dasturi va Oʼzbekiston Respublikasi Prezidentining 2017-yil 7-fevraldagi PF-4947-son «Oʼzbekiston Respublikasini yanada rivojlantirish boʼyicha Harakatlar strategiyasi toʼgʼrisida» gi farmoni hamda mazkur faoliyatga tegishli meʼyoriy-huquqiy hujjatlarda belgilangan vazifalarni amalga oshirishga ushbu dissertatsiya ish dasturida belgilangan tadqiqotlar muayyan darajada xizmat qiladi.