O‘zbekiston respublikasi qishloq xo‘jaligi vazirligi andijon qishloq xo‘jaligi va agrotexnologiyalar instituti

O‘ZBEKISTON RESPUBLIKASI QISHLOQ XO‘JALIGI VAZIRLIGI
ANDIJON QISHLOQ XO‘JALIGI VA AGROTEXNOLOGIYALAR INSTITUTI

“TASDIQLAYMAN” Ilmiy ishlar va innovatsiyalar bo‘yicha prorektor _________ S.T.Iskandarov “_____” _____________ 2022 y.

06.01.01 – Umumiy dehqonchilik, Paxtachilik ixtisosligi bo‘yicha tayanch doktorant


Mirzaqulova Gavxaroy Mo‘ydinovnaning

“Andijon viloyati o‘tloqi tuproq sharoitida tuproq unumdorligi va ekinlar hosildorligiga istiqbolli orgonomineral o‘g‘itlarning ta’siri )” mavzusi bo‘yicha qishloq xo’jalik fanlari falsafa doktori (PhD) ilmiy darajasini olish uchun 2022-2024 yillarga mo‘ljallangan

ISH REJASI


Andijon-2022


ASOSNOMA

Mamlakatimiz aholisi ehtiyojini xilma-xil oziq – ovqat, sa’noatni hom-ashyo mahsulotlari bilan ta’minlash, chorvachilikni to‘yimli ozuqa bazasini yaratishda tuproq unumdorligi va ziroatlar hosildorligini oshirish, dehqonchilikni ilmiy asoslangan ilmiy-mintaqaviy tizimlarini joriy etish bilan chambarchas bog‘liqdir.

Respublikamizda sug‘oriladigan maydonlarning cheklanganligini inobatga olib, har bir tuproq-iqlim sharoitlaridan kelib ekinlarni parvarishlashda yer, suv, mineral o‘g‘it va boshqa resurslardan samarali foydalanish usullarini ishlab chiqish orqali tuproq unumdorligini saqlash va oshirishga qaratilgan ilmiy tadqiqotlarga alohida e’tibor qaratilmoqda. Shu sababli sug‘oriladigan maydonlardan samarali foydalanishda kuzgi boshoqli don ekinlaridan bo‘shagan maydonlarga takroriy ekinlarni joylashtirishda tuproqning agrofizik, agrokimyoviy xossalarini yaxshilaydigan, aholining oziq-ovqat va chorva hayvonlarini yem-xashak mahsulotlariga bo‘lgan ehtiyojlarini to‘la qondirishga xizmat qiladigan hamda sa’noatni hom ashyoga ta’minlaydigan ekin turlarini tanlash va yetishtirish agrotexnologiyalarini takomillashtirish hamda resurstejamkor imiy tadqiqotlar olib borish, natijalarni joriy etish dolzarb masalalardan hisoblanadi.
Shuning uchun almashlab ekishning qisqa rotatsiyalarida (1:1) boshoqli don ekinlaridan, xususan kuzgi bug‘doydan so‘ng takroriy ekinlar (so‘ya, kungaboqar va mosh) va oraliq (suli, javdar, perko, ko‘k no‘xat) ekinlar yetishtirishni tuproqning unumdorligi va keyingi ekinlar hosildorligiga ta’sirini o‘rganish maqsadga muvofiq bo‘ladi.
Bu esa bugungi kun talablariga javob beradigan ilmiy tadqiqot ishlarini olib borishni talab qilmoqda. Shu jihatdan, muammoning nazariy va amaliy jihatdan hal qilinishi mazkur ishning juda dolzarbligini belgilaydi.