O‘zbekiston respublikasi oliy va

Danakli mevalar 
 
O‘rik.  O‘riklarning  sifati  GOST  21832-76  nomerli  standart  talabiga  javob 
berishi kerak. Bu standart talabi bo‘yicha o‘rik mevalari ikki tovar naviga bo‘linadi. 
 
Birinchi tovar naviga kiritiladigan mevalar shakli va rangi bo‘yicha aynan shu 
pomologik  navga  xos,  butun,  toza,  soglom,  yaxshi  etilgan  (go‘ra  emas  yoki  pishib 
o‘tib ketmagan), ortiqcha namliklarsiz, begona ta’mlarsiz va xidlarsiz bo‘lishi kerak. 
 
O‘rik  mevalari  uchun  asosiy  ko‘rsatkichlardan  biri  ularning  ko‘ndalang 
kesimining diametri xisoblanadi. Bu ko‘rsatkich o‘riklarning Evropa va eron-kavkaz 
navlarida  30  mm  dan,  O‘rta  Osiyoga  mansub  navlarida  esa  25  mm  dan  kam 
bo‘lmasligi kerak.  Ikkinchi  tovar naviga kiritiladigan  mevalarda  esa  ularning shakli 
shu  navdan  bir  oz  farq  qilishi,  pishganlik  darajasi  xam  xar  xil  bo‘lishiga  yo‘l 
qo‘yiladi.  Bu  tovar  naviga  kiritiladigan  mevalar  o‘lchamlari  bo‘yicha 
me’yorlanmaydi. 
 
O‘rik  mevalari  sifat  ekspertizasini  o‘tkazishda  standartda  ko‘rsatilganidek 
ma’lum  chetlanishlariga  ham  yo‘l  qo‘yiladi.  Masalan,  o‘rik  mevalarining  birinchi 
tovar navlarida yuzasi 1 sm
2
 dan oshmagan 2 ta engil mexanik shikastlanganlik va 2 
%  gacha  zararkunandalar  bilan  zararlangan  mevalar  bo‘lishiga  yo‘l  qo‘yiladi.  SHu 
bilan  bir  qatorda  ikala  tovar  navida  xam  chirigan  va  go‘ra  mevalar  bo‘lishiga  yo‘l 
qo‘yilmadi. 
 
Shuni  aloxida  ta’kidlash  joizki,  bizning  fikrimizcha  o‘rik  mevasiga  bugungi 
kunda qo‘llanilib kelayotgan mazkur standart ayrim kamchiliklardan xoli emas. SHu 
sababli muallif o‘rik mevasiga Respublikamiz sharoitidan kelib chiqqan xolda yangi 
standart ishlab chiqish borasida tadqiqotlar o‘tkazib, bu boradagi fikr-muloxazalarini 
matbuotda  e’lon  qilgan.  Muallifning  fikricha  o‘rik  mevasiga  yangi  standart  ishlab 
chiqarishda  bizning  xududimizda  etishtirilayotgan  o‘rik  mevalari  tarkibida  qand  va 

---

 
16 
karotin  moddasining  miqdorining  boshqa  mamlakatlar  tabiiy-iqlim  sharoitida 
etishtirilayotgan  o‘rik  mevalaridagiga  nisbatan  ancha  ko‘pligini  asos  qilib  olish 
maqsadga  muvofiq  xisoblanadi.  Aynan  ko‘pchilik  xo‘l  mevalar  standartlarida 
kimyoviy  tarkibi  bo‘yicha  ko‘rsatkichlarning  o‘z  aksini  topmaganligi  yangi 
standartlar yaratish zaruriyati borligidan dalolatdir.