O’zbеkiston rеspublikasi oliy va o’rta

Maqsad va vazifaning belgilanishi:
(2.2-ilova)
Mashg’ulotning nomi, rejasi, maqsad va kutilayotgan natijalar bilan tanishtiradi va yozib olishlarini aytadi.



yANGI Mavzu: Ko’ylakni bo’yin o’miziga ishlov berish
Reja:

1. 
   Ustki va ostki qism alohida bichilgan yoqalar qanday tikiladi?
   
2. 
   YAlang qavat yoqalarning qirqimlariga qanday ishlov beriladi?
   
3. 
   Qaytarmasi bilan ko‘tarmasi alohida bichilgan yoqa o‘miziga qanday ulanadi?
   

O’quvchilar faoliyatini faollashtirish:
(2.3-ilova)
Tezkor so’rov usuli orqali bilimlarni faollashtiradi.



Tezkor so’rov uchun savollar


Yangi o’quv materiali bayoni:


Bunday yoqalarning ko‘tarma qismining qirqimi yo‘rmalanadi (5.4.7-rasm, a) yoki to‘rtala tomoni tikiladi (3-4 sm. uzunlikda tikmay qoldirib), shu ochiq joydan o‘ngiga ag‘dariladi va ochiq joyi chok qirqimlari ichkari tomonga bukilib, ziylaridan 0,1-0,2 sm. oraliqda tikiladi (5.4.7-rasm, b). YOqaning ko‘tarma qirqimiga mag‘iz qo‘yib tikish ham mumkin (5.4.7-rasm, v).
Yoqalarni kiyimga mahkamlashda tugma, piston yoki molniya tasmalardan foydalaniladi.
Yoqasiz kiyimlarda yoqa o‘mizi qirqimlari ana shu yoqa o‘mizi shaklida bichib olingan mag‘iz qo‘yib ag‘darma chok bilan tikilishi, tanda ipiga nisbatan 45° burchak ostida bichilgan qiya beyka qo‘yib mag‘iz chok bilan tikilishi ham mumkin (100-rasm).
Yoqa o‘mizini uning shaklida bichilgan mag‘iz qo‘yib tikishda, oldin mag‘iz bo‘laklari biriktirib tikib olinadi. Choklar yorib dazmollanadi yoki ikki tomonga yotqiziladi. Mag‘izning ichki qirralari yo‘rmalanadi yoki bukma chok bilan tikiladi (101-rasm).
Agar tikilayotgan kiyimning taqilmasi old bo‘lak yoki orqa bo‘lak, yoqa o‘mizidan boshlansa, mag‘izning uchi taqilma mag‘iziga, adipga yoki taqilmaning ishlov haqiga ulanadi (102-rasm).
Mag‘izni o‘ngini pastga qaratib, tikilayotgan kiyimning o‘ng tomoniga qirqimlarini to‘g‘rilab qo‘yiladi, mag‘izning ulangan choklari kiyim yelka choklariga to‘g‘rilanadi va yoqa o‘mizi ag‘darma chok bilan tikiladi. Chok botiq chiziq bo‘ylab va ichki burchaklarda kertib qo‘yiladi. Mag‘izni qaytarib, chok mag‘iz tomonga bukiladi va mag‘izning o‘ngidan ag‘darma chokdan 0,1-0,3 sm oraliqda chok bostirib tikiladi. Keyin mag‘iz tikilayotgan kiyimning teskarisiga asosiy gazlamadan 0,1-0,2 sm kenglikda qaytariladi va zih hosil qilib dazmollanadi.
Yoqa o‘miziga zih yoki to‘r qo‘yib ag‘darma chok bilan tikishda zih uchun mo‘ljallab qiya bichilgan gazlama parchasi tayyorlanadi (103-rasm). Bunda oldin tikilayotgan buyumga zih yoki to‘r ulab olinadi, keyin esa yoqa o‘miziga mag‘iz qo‘yib kiyim tomondan zih ulangan chok ustidan baxyaqator yuritib tikiladi.
Yoqa o‘mizini mashinada maxsus moslama yordamida bitta baxyaqator yuritib mag‘iz chok bilan tikish, moslama bo‘lmagan taqdirda mag‘izni ikki buklab, ikkita baxyaqator yuritib tikish eng unumli hisoblanadi (104-rasm).
Adip qo‘yib tikiladigan taqilmali kiyimlarda bortlarni ag‘darma chok bilan tikishdan oldin yoqa o‘miziga mag‘iz qo‘yib tikiladi. Adipning yuqori qirqimlari bortni ag‘darma chok bilan tikilgach, yoqa o‘mizi mag‘iz chokini berkitadigan qilib ichkariga bukiladi va bukilgan zihdan 0,1 sm oraliqda tikiladi.