O`zbekiston respublikasi oliy va o`rta

Bank  orqali  pul  o‘tkazish    kreditlar  bo‘yicha  qarz  to‘langanda,  avans 
berilganda,  reklamatsiyalarni  tartibga  solganda,  nosavdo  operatsiyalari  bo‘yicha 
hisob-kitoblarda  va boshqalarda ishlatiladi.   
Cheklar bilan hisob-kitob  qilish bank  orqali  pul  o‘tkazish  ishlatilgan   hollarda 
ham ishlatiladi.   
Avans  to‘lovlar  eksport  operatsiyalarida  ham,    import  operatsiyalarida  ham 
ishlatiladi.   
To‘lov  shartlari.  To‘lov  shartnomada  belgilangan  shartlar  asosida  amalga 
oshiriladi.  Naqd  pul  asosida  to‘lovni  amalga  oshirish-  bu  shartnoma  shartlariga 
muvoffiq tovarni sotuvchi tomonidan sotib oluvchiga yetkazib berilgandan keyin, uni 
isbotlovchi  hujjatlarni  bankka  topshirgandan  so‘ng,  to‘lanadigan  naqd  pul  to‘loviga 
aytiladi.  Xalqaro  naqd  pul  asosida  to‘lov  to‘rt  usulda  amalga  oshiriladi:  chek,  pul 
o‘tkazish,  akkreditiv  va  inkasso.  Oddiy  operatsiyalarda  (ko‘rgazma  eksponatlari 
sotuvida)  tovar  va  uning  hujjatlari  berib  yuborilishi  bilan  sotib  oluvchi  tomonidan 
sotuvchi  nomiga  chek  yoziladi  va  to‘lov  amalga  oshiriladi.  Ko‘p  hollarda  naqd  pul 
to‘lovi uzoq vaqt amalga oshiriladi: bir necha kundan tortib to bir necha oygacha.