Ilmiy adabiyotlar, maqola va malumotlarni yig’ish, o’rganish va ularni mavzu doirasida tartibga solish (umumlashtirish). Talabaning kurs ishini talab darajasida muvaffaqiyatli bajarishida ilmiy manbalarni to’g’ri va etarli yig’ishi katta rol o’ynaydi. Bunday manbalarni yig’ish jarayonida talaba oliy ta’lim muassasi kutubxonadagi materiallar (kitoblar) bilan cheklanib qolmasdan boshqa har xil kutubxonalarga (ilmiy nashrlarga, internet tarmog’idan foydalanish va h.) ham murojat qilsa yomon bo’lmaydi.
Shuningdek mavzuga yondosh bo’lgan ilmiy monografiyalar, tadqiqot ishlari (dessertasiyalar, avtoreferatlar,) normativ materiallar, darsliklar va o’quv qo’llanmalarini ham o’rganish qo’yilgan masalani to’laqonli yoritishga bevosita yordam beradi.
Tegishli ilmiy manbalar yig’ilganidan keyingi bosqich – ularni o’qish va zarur joylarini konspeklashtirish hisoblanadi.
O’rganilayotgan ma’lumotlarni o’zlashtirish talabaga osonroq bo’lishi uchun birinchi galda darslik yoki ma’ruza matnlaridagi mavzuga taalluqli bob yoki bo’lim mazmuni bilan batafsil tanishib chiqish tavsiya etiladi.
Manbalar bilan tanishish jarayonida faqat bitta (yoki bir nechta) muallifning muommoli masalaga bo’lgan fikrini o’zlashtirish bilan cheklanish maqsadga muvofiq emas, balki bir necha (har xil) qarashlar yoki fikrlarni qiyosiy o’rganib umumlashgan fikrni olish va unga nisbatan talaba o’z munosabatini bildirgani ma’qul.
Shunday qilib to’plangan va olingan ilmiy ma’lumotlar maqsad qilib qo’yilgan muommo va vazifaga nisbatan qarash yoki fikr mulohozalarni bayon qilishi darkor.
Albatta talaba kurs ishini yoritishda normativ hujjatlardan (qonun va qonun osti aktlari) to’g’ri foydalanish mahoratini ko’rsata olsa ish yanada axamiyatliroq bo’ladi. Bunday hollarda qo’llanilgan normativ hujjatlarning to’liq nomi qachon va kim tomonidan qabul etilganligi va h.lar. snoska (ilova) ko’rinishida bo’lishi shart.
Mavzuni yoritishda ma’lum qoidalarga rioya etilsa yomon bo’lmasdi, masalan manbalarni taxliliy o’rganishda tadqiqot obekti aniq va keng ifoda etilishi, qo’yilgan savol (masala)ning mazmuni, roli, va ahamiyati nazariy xulosa va amaliy faktlar bilan bog’lab ko’rsatilishiga e’tibor va shuningdek o’zining mustaqil ilmiy fikrlari (takliflari)ni bayon qilishdan qurqmasligi lozim.
Tayyorlangan va to’plangan ma’lumotlar hamda va materiallarni (qo’lyozma va pechatlangan variantlarini) ish rejasidagi savollar mantiqiy ketma – ketlikda va ma’lum tizimiy tartibda ish daftarida (yoki alohida papkalarda) joylashtirish mumkin.
Keyingi bosqichda esa yig’ilgan materiallarda mavjud bo’lgan o’xshash yoki aksincha fikrlani ajratib olish, tahlil qilish, asoslash (misol va faktlar bilan mustahkamlash), o’z qarashlarini ifodalash hulosaviy fikrlar bildirish va h.lar bajariladi. Bu jarayonda albatta mavzuga taluqli bo’lmagan va yiroq bo’lgan ma’lumotlarni olib tashlash, o’chirish imkoniyati tug’iladi (bu masalada ilmiy raxbar bilan maslahatlashgan ma’qul).
Talabaning nazarida ish rejasiga kiritilgan savollarga javob mujasamlashgandan (yozma variyanti tayyor bo’lgandan) sung shakllangan kurs ishini komp’yuterga va disketga tushurish tavsiya etiladi. Bu holat keyingi bosqichda vaqtni tejashga yordam beradi va faoliyatini osonlashtiradi.
Ish rejasiga muvofiq kurs ishi kirish qismini yoritishdan boshlanadi va keyinchalik asosiy qismdagi savollar mantiqiy ketma – ketlikda o’z aksini topadi.
Savollarni yoritishda ularning obektiga, tushunchasiga, ta’rifiga, belgilariga va o’ziga xos xususiyatlarini ko’rsatishga e’tibor qaratilishi lozim.
Har qanday savolning yoritilishida mantiqiy butunlik bo’lishiga, ya’ni mazmundagi uzviylik va bog’liqlik (fikrni boshlanishi va tuganlanishi)ga e’tibor berish lozim bo’ladi. Bu o’z navbatida kurs ishining sifatini oshishiga va uning o’qilishini osonlashtirishga yordam beradi.
