O‘zbekiston respublikasi oliy va o‘rta maxsus

O’quv fanining maqsadi va vazifalari. Fanni o‘qitishdan maqsad-biokimyoviy bilimlarning nazariy asoslarini, biokimyoning asosiy tushunchalari va kategoriyalarini, biokimyoviy qonunlar va va tamoyillarini o‘rgatish hamda ularni amaliyotda tatbiq etish ko‘nikmasini hosil qilishdan iborat. Ushbu maqsadga erishish uchun fan talabalarni nazariy bilimlar, amaliy ko‘nikmalar, biokimyoviy hodisa va jarayonlarga uslubiy yondashuv hamda ilmiy dunyoqarashini shakllantirish vazifasini bajaradi.

Fan bo‘yicha talabalarni bilim, ko‘nikma va malakalariga qo‘yidagi talablar quyiladi. Talaba:

-Нo‘jayrda mavjud biomolekulalarning xilma-xilligi; aminokislotalar almashinuvi; oqsillar almashinuvi; nukleotidlar almashinuvi; fermentlar ta’sir qilish mexanizmlari; uglevodlar almashinuvi; hujayradagi biokimyoviy reaksiyalarning o‘zaro bog‘liqligi; muhim makromolekulalarning biosintezi va parchalanish mexanizmlari; hujayrada energiyani hosil bo‘ltsht va sarflanishi; irsiyatni belgilaydigan biomolekulalar; belgi rivojlanishini ta’minlaydigan omil oqsil ekanligi; tirik organizmda replikatsiyaning turlari; axborot uzatilishi jarayonidagi fermentlar; turli darajada rivojlangan organizmlarda axborotni uzatilish yo‘llari; virusli kasalliklarni rivojlanishidagi teskari transkripsiyaning ahamiyati; nuklein kislotalarning protsessingi mexanizmlari; fermentopatiya;va nofermentopatiya haqida tasavvurga ega bo‘lishi;

-Proteinogen aminokislotalar struktura formulasini, oqsil shakllanishida ularning bog‘lanishini; oqsillar tuzilish darajalari va funksiyalarini; oqsillarni parchalanishini; aminokislotalarni dezaminlanishini; fermentlar klassifikatsiyasini; nuklein kislotalar tuzilishi va funksiyasini; uglevodlar tuzilishi va funksiyasini; uglevodlarni anaerob va aerob sharoitda parchalanishini; yog‘larni tuzilishi va funksiyasini; yog‘ kislotalarning betta oksidlanishini; neytral yog‘larning hosil bo‘lishini; vitamin va gormonlarning organizmdagi boshqaruvchi funksiyasini; oqsil va nuklein kislotalar molekulyar og‘irligini aniqlashda qo‘llanadigan fizik-kimyoviy usullarni; oqsil va nuklein kislotalarni identifikatsiyasida qo‘llanadigan fizik-kimyoviy usullarni; replikatsiya jarayoni initsiatsiya, elongatsiya va terminatsiyasini; replikatsiyada ishtirok etadigan fermentlar; DNK rekombinatsiyasi va uning ahamiyati; transkripsiya jarayoni initsiatsiya, elongatsiya va terminatsiyasini; transkripsiyada ishtirok etadigan fermentlar; transkripsiya mahsulotlarini yetilishi va tavsifi; rekognitsiya jarayonini; oqsil sintezida ishtirok etadigan omillarni; oqsil sintezi bosqichlarini; genetik kod xususiyatlarini; oqsil sintezi boshqarilish mexanizmlarini; rekombinat DNK ni olish bosqichlarini; gen muhandisligi asoslarini; mutatsiya turlarini; molekulyar kasalliklar rivojlanish sabablari va ularning turlarini; molekulyar kasalliklarni davolash va oldini olish yo‘llarini bilish va foydalana olish;

-Oqsillarga xos rangli reaksiyalarni amalga oshira olish; oqsilllar miqdorini biuret va Louri uslublari bo‘yicha aniqlay olish; fermentlar faolligiga temperatura, substrat, рН ta’sirini aniqlash reaksiyalarini amalga oshira olish; nuklein kislotalarni ajratib olish, tarkibiy qismlariga xos reaksiyalarini amalga oshira olish; mono-, di- va polisaxaridlarga xos sifat reaksiyalarini amalga oshira olish; qondagi glyukoza miqdorini Xagedorn-Iyensen usuli bo‘yicha aniqlay olish; lipidlarga xos sifat reaksiyalarini amalga oshira olish; laboratoriya ishlarini amalga oshirishda zamonaviy asbob-uskunalardan foydalana olish; oqsillarni fraksiyalarga ajratishni amalga oshira olish; nukleoproteinlarni turli obyektlardan ajratib, sifati va miqdorini aniqlash usullarini amalga oshira olish ko‘nikmalariga ega bo‘lishi kerak.