O‘zbekiston respublikasi oliy va o‘rta maxsus ta’limi vazirligi denov tadbirkorlik va pedagogika instituti

Chet elda patentlash. Litsenzion shartnoma haqida tushuncha

Chet yelda patentlash uchun hujjatlarni rasmiylashtirish tartibi.
Patentlashtiruvchi tashkilot, sanoat mulklarini chet yelda patentlash to‘g‘risida qaror qabul qilsa, agar konvensiyaviy ustuvorlik talabnomasi uchun yoki boshqa vaziyatlarga ko‘ra bundan ko‘ra istisno va talab etilmasa, sanoat mulk tavsifini (uning tushuntiruvchi chizmasini) tayyorlaydi. Sanoat mulklarini patentlashga mo‘ljallanayotgan mamlakatning patent qonunchiligi o‘sayotgan talablarga muvofiq tavsif o‘zbek va tegishli chet tilida tayyorlanadi. Bu tavsif yetarli nusxada ko‘paytiriladi va jo‘natishdan oldin O‘zbekiston Respublikasining Patent idorasida sanoat mulkini tavsifi va chizmalari chet yelda patentlash xizmati bilan kelishib olinadi.
“Kouzning fikricha, mamlakatlarda patentlash tizimi mulkchilik huquqi bilan chambarchas bog‘liq ravishda raqobatdosh yoki noraqobatdosh mahsulotlarga nisbatan o‘zgachan yondashuv bo‘lishi kerak, ya’ni patentlashda mahsulot turini raqobatdoshlik darajasini mulk qo‘mitalari aniqlab berishlari shartdir. Bunday deb ta’kidlashiga sabab, bu kabi aniqlashtrishlar iqtisodiy ahamiyatga egadir”⁶⁵.
Chet yelda patentlash uchun tayyorlangan talabnoma materiallarini Patent idorasi kelishib olish uchun patentlashtiruvchi tashkilotga yuboradi, u bir oy ichida mualliflar bilan talabnoma materiallari kelishilganligini ta’minlaydi yoki o‘z mulohazalarini bayon yetib, Patent idorasiga qaytaradi. Agar tashkilotdan belgilangan muddatda hech qanday ma’lumot kelmasa, Patent idorasi materialni kelishilgan deb hisoblaydi. Har qanday vaziyatda ham talabnoma materiallarini kelishib olish bilan bog‘liq ishlar konvensiya ustuvorligini yo‘qotishga sabab bo‘lmasligi lozim.
Patentlashtiruvchi tashkilot, maxsus so‘rovni kutmay, sanoat mulklarini patentlash haqidagi qarorni olgan kundan boshlab bir oy muddatda O‘zbekiston Respublikasi Patent idorasiga mualliflar, talabnomachilar, haqidagi barcha ma’lumotlarni ixtironi patentlash bo‘yicha chel yelda ish olib borish va rasmiylashtirish uchun tadim etadi. O‘zbekiston Respublikasi sanoat mulklarini patentlash uchun chet yel patent idoralariga talabnomani O‘zbekiston Respublikasi Patent idorasiga jo‘natadi va ular bilan yozishmalar olib boradi.