O’zbekiston respublikasi oliy va o’rta maxsus ta’lim vazirlilgi z. M. Bobur nomidagi Andijon davlat universiteti “Tabiiy fanlar” fakulteti

O’ZBEKISTON RESPUBLIKASI

OLIY VA O’RTA MAXSUS TA’LIM VAZIRLILGI
Z. M. Bobur nomidagi

Andijon davlat universiteti

“Tabiiy fanlar” fakulteti

“Biologiya” ta’lim yo’nalishi

I- bosqich 102-B guruh talabasi

QUTBIDINOVA MUXARRAMXONNING

Botanika fanidan tayyorlagan

Kurs ishi


MAVZU: Ziradoshlar oilasi.

Bajardi: M.Qutbidinova

Kurs ishi rahbari: _______________


Andijon 2019- yil

M U N D A R I J A
Kirish.
Asosiy qism.
I bob
1.1	Ziradoshlar oilasi haqida umumiy ma`lumot.
1.2	Ziradoshlarning anatomik va morfologik tuzilishi.
1.3	Ziradoshlar sistematikasi.
II bob
2.1	Ziradoshlar oilasiga mansub o‘simliklarning tuzilishi, tarqalishi va dorivorlik xususiyatlari.
2.2	Ziradoshlar oilasi vakillarining xalq xo`jaligidagi ahamiyati.
Xulosa.
Foydalanilgan adabiyotlar.

Kirish

Yer yuzida 500000 dan ortiq o‘simlik turi ma‘lum bo‘lib,ularni ikkita katta bo‘limga: yopiq va ochiq urug‘li o‘simliklar bo‘limiga bo‘lib o‘rganiladi. O‘rta Osiyoda 800 dan ziyod o‘simlik turi bo‘lsa, Hindistondagi o‘simliklar soni 21000 dan oshadi. Tropik zonada hammasi bo‘lib 120000,subtropikda esa 60000 ga yaqin o‘simlik turi bor. Ochiq urug‘li o‘simliklar yer yuzida 700 dan ortiq turi bo‘lib, shulardan 18 turkumga mansub 40 ta turi O‘zbekiston hududida uchraydi.Ular ichida ko‘pchiligi manzarali daraxt va butalardir.

O‘simliklar dunyosi, jumladan, dorivor o‘simliklar ham tabiat boyliklaridan biri hisoblanadi. Shifobaxsh o‘simliklarning xosiyati qadim zamonlardan odamlarga ma’lum bo‘lgan va ulardan kasalliklarni davolash uchun foydalanib kelingan.

O‘zbekistonda yovvoyi holda o‘sadigan o‘simliklar soni qariyb 4150 ga yetdi. Shulardan 577 tasi shifobaxsh xususiyatga ega. Bular orasida jumhuriyatimiz hududida ma’lum sharoitlardagina uchraydigan yer sharining boshqa floristik viloyatlarida o‘smaydigan, fan olamida endem tur deb yuritiladigan 390 turi bo‘lib, ular Respublikamizning bebaho milliy boyligi hisoblanadi.

Kimyo fanining nihoyatda taraqqiy qilishi, ayniqsa yangi kimyoviy birikmalar, jumladan sintez qilish yo‘li bilan olinayotgan tez va yaxshi ta’sir etuvchi dorilar ko‘paygani bilan dorivor o‘simliklar o‘z qimmatini yo‘qotgani yo‘q, aksincha ularga bo‘lgan talab yildan yilga oshib bormoqda.

Ilmiy tibbiyotda ishlatiladigan dorivor preparatlarning qariyb 50 foizi o‘simliklardan ajratib olinadi yoki ulardan tayyorlanadi. Tabobatda katta ahamiyatga ega bo‘lgan alkaloidlar, saponinlar, efir moylari va boshqa moddalar ham o‘simliklardan olinadi, yana turli dorilar, preparatlar va vitaminlarga boy konsentratlar tayyorlanadi.

Respublika hukumati ba’zi bir yovvoyi o‘simlik turlarini yig‘ishni tartibga solish maqsadida shifobaxsh o‘simliklardan bir qancha turini O‘zbekiston «Qizil Kitobi» ga kiritishga qaror qildi.