O‘zbekiston respublikasi oliy va o‘rta maxsus ta’lim vazirligi z. M. Bobur nomidagi andijon davlat universiteti

(1010-1018) gacha davom etgan. 
Muarrix Istaxriyning «Kitobu-l-masolik va-l-mamolik» («Mamlakatlar masalalari 
kitobi, 933) asarida yozishicha, bu davrda Chag‘oniyon hududi Termizdan ikki marta 
katta bo‘lgan. Tarixchilar Yoqut Hamaviy (1179-1229) «Mo‘’jamu-l-buldon», Hofiz Abro‘ 
(1362-1431) «Hululu-l-olam» asarlarida Sag‘oniyon nomi bilan tilga olingan. X-XII 
asrlarda uning hududi g‘arbda Boysun va Darband, shimolda Hisor va Dushanbe, janubda 
Jarqo‘rg‘on va sharqda Bobotog‘ga qadar davom etgan. Surxon daryosi Chag‘onrud deb 
yuritilgan.  
Ilm-fan.  Chag‘oniyonda  alloma  va  muhaddis  Abu  Bakr  Sag‘oniy  (IX),  Beruniy  hurmat 
Bilan tilga olgan «Taxtitul-usturlob» («Usturlob xatolari»), « Kitob fi tasheh at tom» («Muttasil 
harakatlar  kitobi»),  «Qavonini  ilmi  hay’at»  («Er  shakli  ilmi  qonunlari»)  asarlari  muallifi 
munajjim  va  jug‘rofiy    Ahmad  ibn  Muhammad  as-Sag‘oniy  (X)  va  Abu  hamid  Usturlobiy; 
«Kitobi  ziju-l-safox»  («Gardishlar  ziji  kitobi»),  «Kitobu-l-masoil  Al-adadiya»  («Hisob 
masalalari kitobi») hamda Evklid asarlariga sharh yozgan  Abu Ja’far Xozin, lug‘atshunos olim, 
«Majma’u-l-bahrayn»,  «Al  ubobu-z-zohir»  («O‘zaklarning  tashqi  ko‘rinishi»)  kabi  qomusiy 
asarlar muallifi Sag‘oniy (ismi noma’lum) bu yurtning ulug‘ allomalari edi.  
Abulqosim  Ali  ibn  Muhammad  al-Iskofiy  yetuk  xattot  va  badiiy  so‘z  ustasi  bo‘lgan.  U 
haqda «Yatimat ad-dahr»da «Xurosonning tili, g‘ururi, ko‘zi va yagona kishisi edi. U kitobat va 
ilmi  balog‘atda  Xurosonda  birdan  bir  kishi  bo‘lib,  idm  va  san’atda  tengi  yo‘q  edi»  deb 
ta’riflangan va undan 21 bayt keltirilgan. Ulardan biri (atir idishi xususida): 
 
 
Sirtimda znbolik barq urar, 
 
 
Ichkarida xushbo‘y hid etar g‘arq. 
 
 
Yarim tanam nasibasin tatir, 
 
 
Yarmim to‘kis va tugal atir
45
.  
Shoir  956  yili  vafot  etganda  Abu  Nasr  al-Xuzaymiy  «Risolalar  devonida  u  yo‘q  endi, 
Devondagi qalam va daftar egasiz qoldi» deb yozgan ekan. 
Chag‘oniyon  adabiy  muhitida  davr  (X  asrning  2-yarmi  XI  asr  boshlari)ning  peshqadam 
shoirlari  yetishib  chiqqan.  Sag‘oniy  shoirlaridan  Taxoriy  (ayrim  manbalarda  Taxoviy,  X  asr 
boshlari)  dan  to‘rt  misra  saqlanganiga  qaramay  u  adabiy  muhitning  asoschilaridan  biri  sifatida 
qadrlangan: 
 
 
Lab-i go‘y, ki nimkafta gul ast, 
 
 
Mai no‘sh andar u nuhuftasty. 
 
 
Zulf go‘y ay lab nihozida, 
 
 
Ba gila so‘i chashm raftasty
46
 
 
(Mazmuni:  Labing  yarim  ochilgan  guldir,  Unda  xush  may  yashirindir.  Zulfing 
labdan lab burib, Ko‘z tomon og‘ishga shaylangandir). 
Abu  Abdulloh  Muhammad  binni  Hasan  Ma’rufiy  Balxiy  fotimiylar  harakatining 
tarafdorlaridan  edi,  buyuk  Rudakiy  (858-941)ning  ko‘ziga  mil  tortilishining  sababi  ham  manna 
shu fotimiylikdardir. Shoir merosidan 92 she’r saqlangan bo‘lib, ular Umar Roduyoniy, Shams 
Qays Roziy risolalarida badiiy san’atlar aks etgan she’riy namunalar sifatida tilga olingan. 
Shoirning forsiy she’rlaridan shunday namunalar keltirilgan: 
                                                 
44
 Аршавская З.А. и др. Средневековўе памятники Сурхандарьи. – Т.: 1982. –С.38. 
45
 Кўрсатилган асар. – Б.29. 
46
 Ашъори ҳамасрони Рўдакй. – Сталинобод, 1958. – Саҳ.99. 

---

 
319 
 
 
Hukmi qazo bud v-in ba dilam bar, 
 
 
Mahkam az on shud Ki yor yori qazo shud. 
 
 
Har chy biguyam zi man nigar, ki nigary, 
 
 
Aql julo shud zi man, Ki yor judo shud
47
 
(Mazmuni: Qalbimdagi og‘ir yuk qazo hukmidir, Shundan yor o‘limning o‘ri bo‘ldi. Nima 
desam-da menga boq, boqmasang, Aql ham, yor ham mendan judo bo‘ladi). 
Abulhusayn  Muhammad  binni  Muhammad  al-Murodiy  Buxoriy  (vaf.940)  Rudakiyning 
sevimli  shogirdlaridan  bo‘lgan  qasidanavis  shoir  bo‘lgan,  hatto  uning  o‘limiga  Ro‘dakiyning 
marsiyasi ham bor. Uning Abu Aliga bag‘ishlangan qasidasida shunday fikrlar bor: 
 
(Mazmuni)  
   
 
Sen tirik ekansan, yo‘ldan hech kim adashmaydi, 
   
 
Adashgan tayanchini qilich zarbi yemiradi, 
   
 
Qo‘lingdan saxovat va xalokat yog‘iladi…
48
 
  Yoki: 
  (Mazmuni)  
   
 
Boshing kzra o‘lim charx urib turganda, 
   
 
Hasham va xazinadan foyda nechun
49
. 
Bu  davr  adabiy  muhitida  Daqiqiy  va  Farruxiy  kabi  mashhur  shoirlar  yetishib  chiqqan. 
Daqiqiydan so‘ng davlat arbobi va iste’dodli  shoir Tohir  Chag‘oniy  (vaf.992)  ijod  qilgani 
haqida  Umar  Roduyoniy  xabar  beradi  va  «Tarjimonu-l-balog‘a»da  muqtazob  (iqtizob  - 
qirqilgan) san’atining go‘zal namunasi sifatida quyidagi baytini keltiradi: 
 
 
Bar mamlakat savor nagashty tu az gazof, 
 
 
V-ozodagon-t banda nagashtand xir-xir. 
 
 
Edun ba mavqey, ba madoroi ro‘zgor, 
 
 
K-az nesh no‘sh makiyu v-az boda sherri sher
50
 
(Mazmuni:  Sen  davlatda  qilichsiz  ham  sarvar,  sardor,  Oqsuyaklar  senga  jabr-sitam  ila 
tobe’  emas.  Hayotda  sen  haqiqIy  mavqega  egasan,  Sening  qahringdan  chaqqan  ilon  zahri  ham 
beia’sir va sherni bemalol sog‘a olasan) 
Abu  Mansur  Muhammad  ibni  Ahmad  Daqiqiy  (929-977)  fors  mumtoz  adabiyotida 
mashhurlikda  Ro‘dakiydan  keyinda  turadigan  shoirlardan.  U  haqda  Beruniyning  «Al  osor  al-
boqiya»,  Abulfazl  Bayhaqiy  (996-1077)ning  «Tarixi  Mas’udiy»,  Firdavsiyning  «Shohnoma», 
Muhammad  Avfiyning  «Lubobu-l-albob»  (1221),  Abdurahmon  Jomiyning  «Bahoriston»,  Lutf 
Alibek  Ozariyning  «Otashkada»  (1760-61)  asarlarida  ma’lumotlar  bor.  DaqiqIy  ijodi  haqida  
V.V.Bartold,  I.V.Braginskiy,  N.O-.Osmanov,  B.F.Lifshits,  E.V.Rtveladze  va  boshqalarning 
ishlari ma’lum. 
Shoir  950-yillardan  Chag‘oniyonga  kelgan  Abu  Ali,  Abu  Mansur  Nasr  saroyida 
mulozimlik qilgan. Jomiy Daqiqiyning Ushbu to‘rtligini keltiradi: 
 
 
Man in jo der mondam, xor gashtam, 
 
 
Aziz az mondani doim shavad xor. 
 
 
Chu ob andar shamar bmsyor mond, 
 
 
U funad girad az oromi bisyor
51
 
(Mazmuni: Men uzoq turgandan la’natlandim, Bir joyda uzlq qolish hurmatli odamni ham 
la’natga  botiradi.  Axir  bir  joyda  suv  ko‘p  tursa  ko‘lmau  bo‘lib,  Uning  rangi,  hidi  va  tam’i 
o‘zganadi).  Shoir  Nuh  ibn  mansurning  topshirig‘i  bilan  nasriy  «Shohnoma»ni  she’rga  sola 
boshlaydi,  biroq  uning  uch  ming  baytini  yozib  ulgurganida,  quli  tomonidan  pichoqlab 
                                                 
47
 Юқоридаги асар. – Б.302. 
48
 Қодиров Б., Муртазонв Б. Чағониён алабиёти (X-XII асрлар) – Т.: Янги аср авлоди, 2002. – Б.37. 
49
 Ашъори ҳамасрони Рўдакй. – Сталинобод, 1958. – Саҳ.29. 
50
 Муҳаммад ибни Умар Родуёний. Тарчумону-л-балоға. (Таҳияи матн, тавзнҳоти Х.Шарифов). – Душанбе: 
Дониш, 1987. – Саҳ.27. 
51
 Жомй А. Баҳористон. – Душанбе: Ирфон, 1966. – Саҳ.88. 

---

 
320 
o‘ldirilgan.  Bu  asarning  «Gushtospnoma»  qismi  bo‘lib,  adabiyot  tarixida  Daqiqiy  manna  shu 
asarning muallifi sifatida qolgan. 
Abulhasan  Ali  Chulug‘  Farruxiy  Seyistoniy  (980-1037)  davrining  go‘zal  tabiatli,  latif 
shoirlaridan  bo‘lgan.  U  haqda  Nizomiy  Aruziy  Samarqandiy,  Avfiy,  Davlatshoh  Samarqandiy 
xabar  beradi.  U  och-nochor  holda  Seyistondan  Sag‘oniyonga  yo‘lga  chiqadi  va  Abul  Muzaffar 
nomiga qasida bitadi, bir faqir bunday go‘zal qasida  yozishiga  amirning kadxudosi Amid Asad 
ishonmaydi, shunda Farruxiy bir kechada boshqa «Dog‘goh» nomli qasida bitgan ekan. Qasidada 
ulug‘  shoirni  esga  olib,  «Daqiqiy  qabri  uzra  o‘sgan  har  bir  ko‘kat,  seni  minglab  so‘zlar  bilan 
ta’riflaydi»  deyish  bilan  qasidachilikda  Daqiqiy  yo‘lini  davom  qilganiga  ishora  bermoqchi 
bo‘ladi. Farruxiy amirning she’r bazmida 
 
 
Ko‘k harirdan yuziga yopgan ro‘molin sabzavor, 
 
 
Etti xil rang ipaklarin boshga soldi ko‘hsor 
deb boshlanuvchi qasida bilan hammaning maqtoviga sazovor bo‘lgan ekan
52
. Muzaffariy ismli 
boshqa  bir  shoir  uni  «tojiu-l-shuaro»  deb  ataganini  Asadiy  Tusiy  (1005-1075)  «Lug‘ati  furs» 
asarida keltiradi. 
Chag‘oniyon shoirlari faqatgina o‘z davrida, o‘z yurtida adabiy muhit yaratibgina qolmay, 
balki somoniylar va g‘aznaviylar sulolasi adabiy muhitiga ham o‘z ta’sirini o‘tkazdilar. Daqiqiy 
ijodi  Firdavsiy  va  Adib  Sobir  Termiziy  (1078-1147),  Amir  Muazziy  (1049-?)ga  o‘z  ta’sirini 
o‘tkazgan bo‘lsa, Labibiy an’analari Mas’ud Sa’di Salmon (1046-1122) ijodining shakllanishiga 
turtki bo‘lgan. /aznada beruniy ilmiy maktab yaratgan bo‘lsa, u bilan yonma-yon turgan Farruxiy 
yirik  adabiy  maktabning  ijodkorlaridan  bo‘lgan,  u  nafaqat  hukmdorlarga  balki,  Beruniy  kabi 
ulug‘ allomalar nomiga ham qasidalar bitgan.