O‘zbekiston respublikasi oliy va o‘rta maxsus ta'lim vazirligi

1.1. O‘qitish maqsadi va vazifalari
O‘qitish maqsadi:
Shifoxona, shifomaskan (sanatoriy) va ambulator sharoitlarda turli kasalliklarni davolashda fizioterapiya usullarini qo‘llash, profilaktika maqsadida va chiniqish jarayonida tabiiy va sun'iy omillarini qo‘llash, turli kasalliklarda bemorlarni qayta tiklash va reabilitatsiya bosqichlarida fizioterapevtik usullarini to‘g‘ri tavsiya qilish va umumiy davolash kompleksida qo‘llash.


O‘qitish vazifalari:
-shifoxona amaliyotida davolashning fizikaviy usullaridan mohirona foydalanishni talabalarga o‘rgatish;
-davolashda muayyan tabiiy va fizikaviy omillarni qo‘llash uslublarini o‘zlashtirish;
-kasallik jarayonini surunkali shaklga o‘tish yo‘lining oldini olish va kasallik asoratlarini fizikaviy usullar yordamida bartaraf etish;
-kasalliklarni oldini olishda va organizmni sog‘lomlashtirishda fizikaviy usullarni tug‘ri qo‘llash.


1.2.Fan bo‘yicha talabalarning bilimiga, o‘quviga va ko‘nikmalariga qo‘yiladigan talablar
Talaba bilishi kerak:
-turli kasalliklarni davolashda fizioterapevtik muolajalarni tanlashda va tavsiya etishda ko‘rsatma va mon’eliklarga (umumiy va maxsus) rioya qilishni;
-davolash muolajalar majmuasini tuzishda asosiy va yondosh kasalliklarni hisobga olishni;
-normal va patologik holatlarda fizik omillarning xususiyatlarini va ularning organizmga ta'sir qilish mexanizmini;
-fizioapparatlarning ishlash prinsiplarini va texnika xavfsizligi qoidalariga rioya qilishni;
-sog‘lomlashtirish maqsadida fizioprofilaktik muolajalarni qo‘llashni;


Talaba malakalarga ega bo‘lishi kerak:
-turli kasalliklarda fizioterapevtik muolajalarini to‘g‘ri tavsiya etishni;
-fizik muolajalarning optimal ta'sirini aniqlashni;
-bemorlarni sanatoriya kurortlarga tanlash va davolash masalalarini xal etishni;
-sanator-kurort kartani to‘g‘ri rasmiylashtirishni;
-fiziodavolashda va elektrojarohat holatidagi patologik reaksiya paytida birinchi yordam ko‘rsatishni;
-fizioterapevtik muolajalarni o‘tkazish tartibini;
-umumiy davolash tadbirlari bilan bir qatorda (dori-darmon, parhez, jarrohlik operatsiyalari va h.z.) maxsus fizioterapevtik usullarini belgilash va dozalashni aniqlashni.