O‘zbekiston respublikasi oliy va o‘rta maxsus ta'lim vazirligi

Tadqiqot natijalarining nazariy va amaliy ahamiyati. Magistrlik disserta- tsiyasidan kasb-hunar kollejlari va akademik litseylarda “O’zbekiston tarixi” fanidan hamda oliy o’quv yurtlari Tarix yo’nalishi talabalari uchun “O’zbekiston tarixi” va “O’zbekiston xalqlari madaniyati tarixi” fanlaridan ma’ruza matnlari tayyorlashda, amaliy mashg’ulotlar olib borishda foydalanish mumkin.
Tadqiqotning ilmiy yangiligi. Magistrlik dissertatsiyasining ilmiy yangiligi shundaki, unda XIX asr oxiri – XX asr boshlarida Turkistondagi ijtimoiy-siyosiy jarayonlar va mustamlaka ma'muriyatining madaniy siyosati ijtimoiy fanlarda qaror topgan yangicha qarashlar va mustaqillik mafkurasi asosida maxsus tadqiq qilindi. 1865–1917-yillar oralig‘ida Turkiston milliy jadid teatrining vujudga kelishi, rivojlanishi va taqdiri masalasi ilmiy adabiyotlardan foydalanilgan xolda yoritib berildi.
Tadqiqotning manbalari. Magistrlik dissertatsiyasining asosiy manbalari bo‘lib? asosan sovet va mustaqillik yillarida yozilgan asarlar, e'lon qilingan ilmiy maqolalar va vaqtli matbuot nashrlari xizmat qildi.
Tadqiqotning nazariy va uslubiy asoslari. Magistrlik dissertasiyasini yoritish jarayonida O`zbekiston Respublikasining birinchi Prezidenti I. A. Karimov asarlarida ilgari surilgan Vatan tarixini manbalar asosida haqqoniy o`rganish, xolislik va tarixiylik tamoyil lariga asosiy e`tibor qaratishga oid g’oyalari nazariy asos vazifasini bajardi. Tadqiqot jarayonida muammoni yangi tarixiy tafakkurning kontseptual nuqtai-nazaridan idrok etishga, tarixiy voqealar xarakterini ularning real mazmuni asosida, hozirgi zamon tarix fani talablari kontekstida ochib berishga asosiy e`tibor qaratildi.
Tadqiqotning metodologik asosini ishlab chiqishda O`zbekiston Respublika- si Prezidenti Sh. M. Mirziyoyevning maruza va nutqlarida ilgari surilgan uslubiy, ilmiy nazariy ko`rsatmalari muhim ro`l o`ynadi.
Tadqiqotning davriy chegarasi. Tadqiqotning davriy chegarasi sifatida 1865–1917-yillar belgilandi. Chunki, aynan Turkiston viloyati tuzilgan (1865) yil dan boshlab, mintaqada dastlabki teatr truppalari vujudga kela boshlagan edi.
Keyinchalik mazkur truppalar o‘lka aholisining milliy ruhini uyg‘onishida muhim rol o‘ynadi.