O`zbekiston respublikasi oliy va o’rta maxsus ta’lim vazirligi

14.Mavzu:Maktabgacha ta’lim tashkilotlari turli guruhlarda plastilin (loy) bilan ishlash.
Reja:

1.Loydan buyum yasashga o’rgatish usullari.
2.Kichik guruhda loy va plastilindan buyum yasashga o’rgatish vazifalari.
3.Loy va plastilindan buyum yasash mashg’ulot loyihasi tuzish.

Kichik guruh uchun loydan buyum yasash mashg’ulot loyihasi tuzish.

Mavzu: ”To’nkadagi qo’ziqorinlar”
Maqsad: Bolalarni qo’ziqorinni 2-3 qismdan iborat: oyoq, qalpoqcha kabi bo’laklardan yasashga o’rgatish, qo’ziqorinning qalpog’ini yasash usullarini ko’rsatish, qismlarni pishiq va tartibli yopishtirishga ahamiyat berish.
Tayyorgarlik: qo’ziqorinlar to’g’risida suhbat uyushtirish, tuzilishini ko’rib chiqish, qismlari: oyog’i va qalpog’i haqidagi tasavvurlarini o’stirish.
Kerakli jihozlar: Rangli plastilinlar, qog’oz va mato salfetkalar, kompozitsiya hosil qilish uchun 2-3 ta qo’ziqorin, to’nka.
Faoliyatning borishi: Tarbiyachi bolalarga kompozitsiya hosil qilish ( Jamoa bo’lib ishlash) uchun haqiqiy to’nka va 2-3 ta plastilindan yasalgan qo’ziqorinni ko’rsatadi, qo’ziqorin haqida she’r aytish mumkin.Bolalarga qo’ziqorinni qanday yasash kerakligini tushuntirib beradi.Bolalarning qo’ziqorinning tashqi ko’rinishi haqidagi tasavvurlarini aniqlaydi va qo’ziqorinning oyog’i va qalpoqchasini yasash yo’llarini ko’rsatadi.
1. Qo’ziqorin tana va qalpoqchadan iborat,oyog’i uzun va och rangda. Oq rangli plastilinni olib, kaftlar orasida yumaloqlaymiz.silliq va uzun tayoqcha hosil qilamiz, kaftlar orasida aylanma harakat qilamiz va ezamiz.
2. Qo’ziqorinning qalpog’i tanasining ustida turadi. Oyoqchasi va tanasini bir-biriga tartib bilan yopishtiramiz, deb ko’rsatadi.
3.Qo’ziqorinni to’nka ustiga qo’yamiz, qattiq mustahkamlaymiz, tartib bilan yopishtiramiz.
4.Agar bizning qo’ziqorinimiz to’nkaning ustida emas, dalada bo’lsa yashil rangdadi plastilindan olib qalpoqchasini oyoqchaga mustahkamlab,qo’ziqorinni dalaga yopishtiramiz. .
Bolalar plastilin rangini tanlaydilar va qo’ziqorin yasaydilar.
Savol va topshiriqlar:
1.Amaliyot jarayonida kichik guruhda loydan buyum yasash faoliyatini markazda kuzatish.
2.Kichik guruh uchun dastur asosida loydan buyum yasash faoliyati loyihasi yozish.
3.Dastur mavzulari asosida loydan buyumlar yasash.