O`zbekiston respublikasi oliy va o’rta maxsus ta’lim vazirligi

40.Mavzu:Tasviriy faoliyat turlari bo’yicha mashg’ulotlarni rejalashtirish.
Reja:

1.MTT da bolalarning mustaqil tasviriy faoliyatlarini tashkil etishning mazmuni.

2.Mustaqil tasviriy faoliyatning boshqa faoliyat turlari bilan bog’liqligi .
3. Ochiq havoda o’tkaziladigan mashgulotlar o’rni.
4.Tasviriy faoliyat turlari bo’yicha mashg’ulot va tadbirlarni tashkil etish.

Maktabgacha ta’lim yoshidagi bolalarning egallagan bilim, ko’nikma va malakalari bayram mazmunini tashkil qiladi.Shuning uchun mashg’ulotlar va mashg’ulotlardan tashqari vaqtlardagi ta’lim-tarbiyaviy ishlar qanchalik mazmunli va xilma-xil olib borilsa, bayramning bolalar hissiyoti va fikriga ta’siri shunchalik chuqurroq va samaraliroq bo’ladi.Bayramlarga tayyorlanish va o’tkazish vaqtida tarbiyachilar va musiqa rahbarlarining harakati bolalarning hayajonlantiruvchi tuyg’ularni boshdan kechirishga, bayram ularning ma’naviy qiyofalariga chuqur ta’sir etishiga qaratilgan bo’lishi kerak.Maktabgacha ta’lim tashkilotida bolalarning bilim, ko’nikma va malakalarini takomillashtirishga, ularning qobiliyat va ijodiy iste’dodlarini rivojlantirishga yordam beradigan ko’ngil ochish dasturlari, tasviriy faoliyat turlari bo’yicha tadbirlar, bolalarning tug’ilgan kunlarini nishonlashning rejalari tuziladi.Bayramlardan oldin tashkilot direktori pedagogik kengashda tarbiyachilar hamda musiqa rahbari bilan birgalikda bayram kunlariga tayyorlanish, ularni o’tkazishga aloqador bir qator masalalarni, bolalar bilan bayramoldi va bayramdan keyingi kunlarda olib boriladigan ishlarni, bayram dasturini, guruh xonalari, musiqa zali, tashkilot hovlisining tashqi tomonlarini bezash loyihalarini, tantanali yurish, raqs va sahna ko’rinishlari uchun atribut va kostyumlar eskizlarini, bolalar uchun sovg’alar, ota-onalarga mo’ljallangan ishlar rejasini muhokama qiladi.Tadbirlar uchun bolalar o’z qo’llari bilan yasalgan bezaklar ular uchun qadrlidir.Ular bu narsalardan quvonib foydalanadilar, ularni asrab, bayramdan keyingi o’yinda ham foydalanadilar.MTT direktori tayyorlov ishlari, bayram oldi dasturining borishini har kuni nazorat qiladi, jamoaga yordam beradi.Faqat ana shunday aniq tashkil etilganlik bayramga o’z vaqtida va bamaylixotir tayyorlanish imkonini beradi.Barcha pedagoglar ishidagi ko’tarinki ruh va hamjihatlik bayram ertaliklarining muvaffaqiyatli o’tkazilishida ham, bayramoldi va bayram kunlarida shodiyona, do’stona kayfiyatni yaratishda ham katta ahamiyatga ega.

”Rasmni yakunla” O’yini.

O’yin uchun har bir bolaga bittadan yakunlanmagan rasm, oddiy va rangli qalamlar bo’lishi kerak.

O’yinning borishi: Bolalar o’zlaridagi rasmlarni diqqat bilan kuzatadi.qanday buyum chizilganini oxirigacha yetkazadi.Shuning uchun ham rasm chizish mashgulotlari, mehnat faoliyati jarayonida ham atamalardan to’gri foydalanish mumkin.
Chiziq, nuqtalarni geometrik shakl sifatida yorqin ifodalash maqsadida gemetrik shakllar haqida ertak yoki she’rlar o’qiladi.
Ular o’qilgandan keyin quyidagi savollar beriladi.”Siz to’g’ri chiziq haqida nimalarni bilib oldingiz?” ”Nima to’g’ri chiziqqa o’xshaydi?”, ”To’g’ri va qiyshiq chiziqlar nima bilan farq qiladi?”.
Ularni o’qishdan oldin bir nechta ingichka arqonchalarni tayyorlab, ulardan qiyshiq va egilgan chiziqlar yasaladi.To’g’ri chiziqni tezlikda qiyshiq chiziqqa aylantirish bolalar shaklning o’ziga xos xususiyatlarini aniq tasavvur etishiga yordam beradi.
Savol va topshiriqlar:
1.MTT da tasbiriy faoliyat bo’yicha ishlar qanday rejalashtiriladi?
2.Bayram tadbirlari uchun ishlar qanday tashkillanadi?
3.Tasviriy faoliyat bo’yicha tadbir namunalari loyihasi tayyorlang.