IV.2. Turk hoqonligining vujudga kelishi. Turk hoqonligi davrida ijtimoiy,
iqtisodiy va madaniy hayot.
Eftaliylar davlati 563-567 yillarda Turk hokoni Silsivul bilan bo‗lgan kurashlarda
mag‗lubiyatga uchrab, inqirozga yuz tutdi va o‗z o‗rnini yangi siyosiy kuch –
Turk
hoqonligiga
(551-744) bo‗shatib berdi.
Turkiy xalqlar tarixi masalasida I.Bichurin, N.Gumilov va boshqa turkshunos
olimlar turkiy urug‗lar haqidagi dastlabki ma‘lumotlar xitoy solnomalarida m.a. 1756
yilga oidligini yozganlar. Xitoy manbalarida turkiylar «
Tu-kyu
»
,
«
Xunlar
» nomi
ostida 92 yil- da Oltoy tog‗ etaklarida joylashganliklari haqida ma‘lumotlar bor.
Xitoylar ularni Ashin nomi bilan ham ataganlar. P.Pelo «
Turk-yut
» so‗zini turkiylar
deb izohlagan. «
Turk
» atamasi kuchli, baquvvat degan ma‘noni anglatib, avval
qabilalar birlashmasining, keyinchalik siyosiy jihatdan birlashgan xalqlarning
umumiy nomini bildirgan.
Arab tarixchilari at-Tabariy, Denovariy (IX-X asr), buyuk ajdodlarimiz Abu
Rayhon Beruniy, Narshaxiy, Mahmud Qoshg‗ariy, Ahmad Yugnakiy, Yusuf Xos
Hojib (XI asr) asarlarida ham turkiy xalqlar tarixiga oid qimmatli ma‘lumotlar
keltirilgan. Masalan, Yusuf Xos Hojib «
Qutadg‘u bilig
» (Saodatga yullovchi bilim)
76
asarida afsonaviy turk sarkardasi Alp Er Tunga to‗g‗risida: «
U bilimdon, zakovatli,
katta hunar egasi edi, bu fazilatlari uning shon-shuhratini dunyoga taratgan. U turk
beklarining sarasi, ovozasi olamni tutgan, hunari talay edi. Uning tengi topilmas edi.
Forslar uni Afrosiyob deb atashgan
»
,
deb yozadi. Turkiy xalklar tarixiga oid
ma‘lumotlar «
Alpomish
»
,
«
Go‘ro‘g‘li
»
,
«
Manas
»
,
«
Dala qurqut
» kabi dostonlarda
ham ma‘lum darajada o‗z aksini topgan.
VI asrning ikkinchi yarmida Ashin urug‗idan bo‗lgan Asan va Tuu (460-545)
turkiy qabilalar ittifoqiga asos soldilar. Tuuning o‗g‗li Bumin Tele qabilasini
bo‗ysundirgach, 551 yilda Markaziy Osiyoda ancha kuchli bo‗lgan Jujanlar (juan-
juanlar – mo‗g‗ullar,juan-juanlar g‗arbga siljib, keyinchalik avarlar degan nom
oldilar.) xonligini tor-mor etdi va Turk hoqonligi (551-744) ga asos soldi. U Ili
daryosi bo‗yida hukmdor deb e‘lon qilingach «
Ilixon
» - Ili qag‗an nomini oldi va
o‗z yurtini hoqon nomi bilan boshqara boshladi. Oltoydagi Utukan shahri yangi Turk
hoqonligining poytaxti qilib belgilandi. Bumin o‗z ukasi Istamiga birinchi sarkarda
va davlatning bosh amaldori darajasini bildiruvchi - «
Yabg‘u
» (
bahodir
) unvonini
berdi. Aka-ukalar birgalikda davlat chegaralarini kengaytirishga kirishdilar. Turk
hoqonlari janubi-g‗arbiy Manjuriyada kidanlar, Enisey bo‗yida qirg‗izlar va boshqa
qabilalarni bo‗ysundirdilar. Shimoliy Xitoy davlatlari Turk hoqonligiga o‗lpon to‗lab
turdilar.
Bumin sharqiy erlarni, ukasi Istami g‗arbiy
hududlarni birlashtira boshladi. Buminning
o‗g‗li Mug‗anxon(553-576)563-567 yillarda
Eftaliylar davlatini engib, O‗rta Osiyoda o‗z
hukmronligini o‗rnatdi. Eftaliylar tor-mor
etilganidan keyin Amudaryoning shimolidagi
hududlar Turk hoqonligi, janubidagi erlar Eron
davlati ixtiyoriga o‗tdi.
Arab tarixchilarining ma‘lumotlariga ko‗ra,
588
yilda
Turk
hoqonligi
qo‗shinlari
Amudaryodan o‗tib dastlab Toharistonni,
so‗ng g‗arbga yurib Hirotni egalladilar. Garchi
eronliklar keyinchalik turkiylarni engib ortga
qaytargan bo‗lsalarda, bu hududlar Eronga
bo‗ysunmay qo‗ydilar. Oradan ko‗p o‗tmay, turkiylar Toharistondan eroniylarni
haydab chiqarib, bu erda mustahkamlanib oldilar.
Turk hoqonlari va amaldorlari ilgari o‗zlari yashagan xududlarda qolib, bosib
olingan erlardan olingan to‗lovlar, o‗lponlar, sovg‗a-salomlar olib turishni afzal
ko‗rdilar. Mahalliy zodagonlar mamlakatning ichki iqtisodiy va siyosiy hayotini
o‗zlari boshqardilar. Faqat jiddiy ichki ziddiyatlar, kelishmovchiliklar kelib
chiqqandagina turk hoqonlari ularning ishiga aralashar edilar. Turk hoqonligining
ulkan hududda tinchlikni ta‘minlanganligi, bo‗ysundirilgan xalqlarning ichki
ishlariga aralashmaslik va ularning o‗zlari tanlagan sohalari bo‗yicha erkin faoliyat
yuritishlari uchun sharoit yaratib berilishi barcha sohalarning rivojiga turtki bo‗ldi.
Hoqonlikda feodal munosabatlar ancha rivojlangan bo‗lib, oqsuyaklarning asosiy
77
qismini hukmron xonadonlarning vakillari va yirik er egalari bo‗lgan dehqonlar
tashkil qilgan.
Turk hoqonligida ichki vaziyat notinch edi. Bir-biriga qarama-qarshi bo‗lgan
turli ijtimoiy va siyosiy kuchlar o‗rtasidagi ziddiyatlar hokimiyatni zimdan emirib,
xoqonlik bilan mahalliy hukmron tabaqalar o‗rtasida ziddiyatning kuchayishi
hoqonlikni zaiflashtirdi. 585-586 yillarda Obro‗y qo‗zg‗oloni bo‗lib o‗tdi.
Turk hoqonligi tasarrufida birlashgan xalqlarning asosiy qismi dehqonchilik va
chorvachilik bilan shug‗ullangan. Dehqonlar mavjud suv manbalari hamda lalmikor
erlardan samarali foydalanganlar. Ular asosan don, poliz ekinlari, meva, uzum, paxta,
ipak, beda etishtirganlar. Bu davrga kelib, ko‗plab shahar-qo‗rg‗onlar, sug‗orish
inshootlari paydo bo‗ldi. Varaxshada qazilgan 12 ta kanal shular jumlasidandir.
Dehqonchilik bilan bir qatorda hunarmandchilik, qurilish, savdo-sotiqning
ravnaqi aholining ijtimoiy-iqtisodiy taraqqiyoti uchun katta turtki bo‗lgan.
Hunarmandchilikda temirchilik, zargarlik, kulolchilik, duradgorlik, qurolsozlik,
to‗qimachilik, shishasozlik, ko‗nchilik keng rivojlangan. Panjikent hukmdori
Divashtichning devoni ro‗yxatida ko‗rsatilishicha maxsus ustaxonalarda sovutlar,
jibalar, dubulg‗alar, oyoq kiyimlari va boshqalar tayyorlangan.
Bu davrda Samarqand asosiy savdo va hunarmandchilik markazi bo‗lsa, Buxoro
zargarlik buyumlari bilan mashhur bo‗lgan. Shuningdek, Poykand, Ishtixon, Vardana
va Arbinjon shaharlarida, Tavovis va Zandana kabi qishloqlarda ham
hunarmandchilik va savdo-sotiq ancha rivojlangan. Ilk o‗rta asrlarda So‗g‗dda pul
muomalasining rivojlanganligi bu erda savdo-sotiq va bozor munosabatlari yaxshi
yo‗lga qo‗yilganligini bildiradi.
Hunarmandchilik va savdo-sotiqdan davlat xazinasiga katta daromad tushgani
tufayli hoqonlar Ipak yo‗lini rivojlantirish va tinchligini ta‘minlashga katta e‘tibor
berdilar. Shaharlar kengaydi, shaharlar va yirik qishloqlarda karvonsaroylar qurildi.
Ayniqsa, o‗troq va chorvador aholi o‗rtasida savdo-sotiq ishlari rivojlanib, Buyuk
Ipak yo‗lining ahamiyati oshib bordi. O‗lkadan Eron, Xitoy, Hindiston, Vizantiya
kabi mamlakatlarga to‗qimachilik, ipakchilik mahsulotlari, qimmatbaho toshlardan
yasalgan taqinchoqlar, dorivorlar, nasldor arg‗umoqlar, tuz, sharob, bog‗dorchilik
mahsulotlari, qazilma boyliklari va hokazolar olib borilgan.
Eron bilan olib borilgan urushlar Turk hoqonligi mavqeini yanada pasaytirdi. 588
yilda hoqonlik qo‗shinlarining qattiq zarbaga uchrashi, uning parchalanishiga olib
keldi. 581-603 yillarda hoqonlik ikkiga: Sharqiy va G‗arbiy qismlarga bo‗linib ketdi.
630-632 yillarda zaiflashib qolgan Sharqiy turk hoqonligi Xitoy tomonidan
mag‗lubiyatga uchragach tugatildi. Bu vaqtda G‗arbiy turk hoqonligi Tardushxon
boshchiligida ancha yuksalib, O‗rta Osiyoda o‗z mavqeini mustahkamlab oldi. 627
yilda hoqonlik qo‗shinlari Kavkazortida, Vizantiya va Eron o‗rtasidagi urushda
Vizantiyaga yordam berdilar. 630-651 yillarda G‗arbiy turk hoqonligida o‗zaro
ichki nizolar kuchaydi. Buning oqibatida kuchsizlangan hoqonlik
651
yilda Xitoy
qo‗shinlaridan mag‗lubiyatga uchradi va parchalanib ketdi.
Xitoy hukmronligiga qarshi olib borilgan kurashlar natijasida asosan Gobi
cho‗lining shimoliy qismlarida Ikkinchi Turk hoqonligi tashkil topdi. Hoqonlik
qo‗shinlari Qapag‗on hoqon boshchiligida O‗rta Osiyoga ham yurishlar qildi. U 711
yili Ettisuvda turgashlarni tor-mor qilib, 712 yili arablar tomonidan qamal qilingan
78
Samarqandga yordamga keldi. Biroq mag‗lubiyatga uchrab, qaytib ketishga majbur
bo‗ldi. Bu O‗rta Osiyoda arablar hukmronligining o‗rnatilishiga qulay zamin
yaratdi.
Do'stlaringiz bilan baham: |