O`zbеkiston rеspublikasi oliy va o`rta maxsus ta’lim vazirligi

 
155-mashq.
Fikr mazmunini qo`shma gap tarzida davom ettiring. 
1. Kishi qanchalik dono bo`lsa, ... . 2. Inson o`ziga qanchalik ishonsa,… . 3. 
Shunday kunlar bo`ladiki, ... . 4. Kimning mеhnati halol bo`lsa, ... . 5. Shunaqa 
ajoyib narsaki, ... . 6. Kattalar qaysi yo`ldan yurishsa, ... . 7. Shahrimizda shunday 
kеng ko`priklar qurildiki, ... . 8. Kim qaysi tilni puxta o`zlashtirgan bo`lsa, ... . 9. 
Kim qaysi fanlarni yaxshi bilmayotgan bo`lsa, ... . 
Tavsifnoma biror shaxsni tavsiflashga qaratilgan hujjatdir.
Ushbu hujjat ishga, o`qishga kirish vaqtida III shaxs tilidan aniq 
ma’lumotlar asosida xolis yoziladi. Unda tavsifnoma berilayotgan 
shaxsning yoshi, darajasi, o`qiyotgan yoki ishlayotgan joyida qanday 
faoliyat yuritayotgani, ish va o`qishda erishgan yutuqlari, mas’uliyatliligi, 
insoniy sifatlari, atrofdagilarga munosabati, oilaviy holati haqida 
ma’lumot beriladi. Tavsifnoma boshqa muassasa yoki korxonaga berilsa, 
albatta, rasmiy ravishda tasdiqlab yuboriladigan hujjat hisoblanadi. 
 
156-mashq. 
Tavsifnoma namunasini o`qing. Hujjatning mazmuniga va ularda 
beriladigan ma’lumotlarga e’tibor qiling. 
O`zbekiston Davlat jahon tillari universiteti, rus filologiyasi fakulteti III bosqich 
talabasi, 1994-yilda tug`ilgan, millati o`zbek Nargiza Narimonovaga 
TAVSIFNOMA 
O`zbekiston Davlat jahon tillari universiteti, rus filologiyasi fakulteti III 
bosqich 310-guruh talabasi Nargiza Narimonova 2013-yilda universitetimizga 
qabul qilingan. Universitetda o`qish davomida u o`zini bilimli, izlanuvchan talaba 
sifatida ko`rsatdi. O`tgan 3 yil davomida barcha fanlardan a’lo baholarga o`qidi. 
Bugungi kungacha “Yosh olim”, “Izlanish va ijod” to`plamlarida, “Filologiya 
masalalari” ilmiy jurnalida 6 ta ilmiy maqolasi chop etildi. Yaqinda rus tilini 
o`qitish metodikasi bo`yicha kurs ishini muvaffaqiyatli himoya qildi. 2015-yilda 
rus va o`zbek tillarini qiyoslab o`rganish yuzasidan o`z loyihasi bilan ishtirok etib, 
tanlov g`olibi bo`ldi. Shu yili o`qisdagi muvaffaqiyatlari uchun Toshkent shahar 
“Kamolot” ijtimoiy yoshlar kengashining maxsus sovrinini qo`lga kiritdi va 10 
kunga Moskva shahriga yuborildi. 
Nargiza Narimonova o`z guruhi va fakultet jamoa ishlarida ham faol ishtirok 
etadi. Guruhdoshlari bilan xushmuomala, odobli va intizomli talaba. O`tgan 3 yil 
davomida sasabsiz dars qoldirmagan, ustozlariga hurmat-e’tiborli. O`z bilimlarini 
oshirib borish ustida tinmay izlanadi, iqtidorli talabalar guruhlari bilan 
o`tkaziladigan qo`shimcha mashg`ulotlarga muntazam qatnashadi. 
Turmushga chiqmagan. 
Tavsifnoma so`ralgan joyga taqdim etish uchun berildi. 
Rus filologiyasi fakulteti dekani D.S.Sattorov 

---

Sana muhr 
157-mashq. 
Berilgan reja va namuna asosida do`stingiz yoki kursdoshingizga o`zingiz 
tavsifnoma yozing va uni qoidaga muvofiq rasmiylashtiring. 
1.Tavsifnoma kimga berilmoqda? 
2.U qachondan beri shu muassasada o`qiydi yoki ishlaydi? 
3.O`tgan muddat ichida u qanday faoliyat yuritdi (qanday o`qidi, qanday 
yutuqlarga erishdi)? 
4.Qanday insoniy fazilatlarga ega:do`stlari,o`zidan kattalarga va kichiklaga 
munosabati. 
5.Jamoat ishlarida ishtiroki. 
6.Oilaviy holati. 
7.Tavsifnoma nechanchi shaxs tomonidan yoziladi va kim tomonidan tasdiqlanadi?