O`zbеkiston rеspublikasi oliy va o`rta maxsus ta’lim vazirligi

259-mashq.
“Imtihonda”, “Tanaffusda”, “Dam olish oromgohida” mavzularida 
guruhlarga bo`lingan holda o`zaro suhbatlashing va tuzgan matningizni dialogik matn shaklida 
daftaringizga yozing.
260-mashq.
Ushbu dramatik asardan bеrilgan parchani rollarga bo`lib o`qing. Monologik 
nutq va dialogik nutq qismlarini aniqlab farqini tushuntiring.
Qirol – 
Sen ham chiq endi, sevimli Hertruda. Biz Hamletga odam 
yubordikki, tasodifan uchrashib qolganday bo`lib, Ofeliya bilan yo`liqishsin, deb. 
Qizning otasi bilan men, ularni kuzatmak bizning haqqimiz bo`lganligidan, 
berkinib turib ikkovining uchrashuviga shohid bo`lmoqchimiz. U holda, uning 
gap-u so`zlariga qarab, uni bu darajada og`ir qayg`uga slogan nima:tolesiz bir 
muhabbatmi yo boshqa narsami, bilib olamiz. 
Qirolicha - 
Itoat qilaman. Senga bo`lsa, Ofeliya, shuni demakchimanki, 
Hamletning es-u hushini yo`qotishga sening chiroying sabab bo`lgani bilinsa, juda 
xursand bo`lar edim. U holda sening go`zal xulqing uni burungi matlub yo`lga 
qaytarib olib chiqishiga ishonsa bo`ladi. 
Ofeliya - 
Malikam, men o`zim ham chin ko`nglimdan shuni tilayman. 
Poloniy - 
Ana u yerda aylanib tur. Biz ham, marhamatli amirim, o`z
joylarimizni ishg`ol qilaylik. (
Ofeliyaga
): Qo`lingga kitob ol: bu mashg`ulot sening 
yolg`iz o`tirganingga haqiqat rangini beradi. Bunday gunohlar bizdan ko`pgina 
o`tadi. Taqvodor qiyofasiga kirib va mo`minlik yo`llari bilan shaytonning o`zini 
ham aldab, uning ko`ziga oppoq paxtaday ko`ringan vaqtlarimiz ko`p bo`ladi… 
Qirol - 
(Chetga) Essizkim, bu aytganlaring juda to`g`ri. Uning bu so`zlari 
mening qalbimga qanday og`ir qamchi zarbalari tushirayotir. Buzuq bir xotinning 
ranglarga ko`milgan yuzlari ham o`zlarini ertub turgan qatlam ostida, mening 
bezakli so`zlarim ostida jirkangich darajada xunuk fe’llarim qadar iflos emas. O, 
qanday og`ir azob! 
Poloniy – 
Uning oyoq sharpalari kelayotir, berkinaylik, podshohim 
(berkinadilar). 
Hamlet –
Yo o`lish, yo qolish – gap shunda! Ajabo qaysi biri sharaflik va 
oliyjanob; dilozor falakning zarbalariga chidashmi, yoki balolar dengiziga qarshi 
bel bog`lab, ularga qarshi qo`zg`olib, ularga barham berishmi?...Endi jim! Mana 
go`zal Ofeliya kelib qoldi… 
Ofeliya – 
Shahzoda, ko`rishmaganimizga ham ancha bo`ldi shekilli, bu 
orada kayfingiz nechuk bo`ldi? 
Hamlet – 
Iltifotingizga tashakkur qilaman, durust yomon emas. 
(Vilyam Shekspir)