O`zbеkiston rеspublikasi oliy va o`rta maxsus ta’lim vazirligi

ESHITISH MASHQI 
 
Matnni diqqat bilan tinglang, tayanch so`zlarni yozib boring. So`ngra matnni qayta 
tinglang. Ayting-chi, hayotni bunday rejalashtirishdan maqsad nima? 
Inson hayoti boshdan oyoq rejalashtirilgan holda o`tadi. Inson tug`ilgach, 
albatta, ism qo`yadilar, yurishga, so`zlashga o`rgatadilar, so`ngra unga ta’lim 
beradilar, biror kasb-hunar o`rgatadilar va uni mustaqil hayotga yo`llaydilar. 
Mustaqil yashash davrida ham har bir inson muayyan maqsad asosida o`zi tuzgan 
katta va kichik rejalar bilan ish ko`radi. Bu davrda kimlardir buyuk ishlarni amalga 
oshirib, ulug` siymolarga aylanadi, kimlardir o`rtamiyona, ya’ni “el qatori” 
yashaydi, kimlardir hayotda yashagani ham sezilmay o`tib ketadi. 
Bularning barchasi insonga berilgan iqtidor va uning harakati tufayli yuz 
beradi. Tadqiqotlar shuni ko`rsatadiki, erkaklarda 15 yoshdan 25 yoshgacha, 
ayollarda esa 15 yoshdan 20 yoshgacha eng sog`lom davri, 18 yoshdan 25 
yoshgacha bo`lgan vaqt barcha insonlarda zehn va xotira eng kuchaygan davr, 30 
yoshdan 40 yoshgacha ijodiy iqtidorning rivojlangan davri, 40 yoshdan 50 
yoshgacha kasb mahoratining eng rivojlangan davri hisoblanar ekan. 
Hayotimizning qanday kechishi shu davrlardagi harakatlarimiz natijasidir. 
Tavsiyanoma biror shaxsni tavsiflash va o`qishga yoki biror lavozimga 
tavsiya qilish maqsadida yoziladigan rasmiy hujjatdir.
Ushbu hujjat tavsifnoma kabi aniq ma’lumotlar asosida I shaxs nomidan 
yoziladi. Unda tavsifnoma berilayotgan shaxsning tavsiya qilinayotgan 
lavozimiga loyiqligi qayd etiladi. Tavsiyanoma ko`rsatilgan joyga rasmiy 

---

ravishda yuboriladigan hujjat hisoblanadi. 
 
199-mashq. 
Tavsiyanoma namunasini o`qing. Hujjatning mazmuniga va ularda 
beriladigan ma’lumotlarga e’tibor qiling. 
O`zbekiston davlat jahon tillari universiteti, rus filologiyasi fakulteti III bosqich 
talabasi, 1994-yilda tug`ilgan, millati o`zbek Nargiza Narimonovaga 
TAVSIYANOMA 
Men O`zbekiston davlat jahon tillari universiteti, rus filologiyasi fakulteti 
III bosqich 310-guruh talabasi Nargiza Narimonovani 2013-yildan beri taniyman. 
Universitetda o`qish davomida u o`zini bilimli, izlanuvchan talaba sifatida 
ko`rsatdi. O`tgan 3 yil davomida barcha fanlardan a’lo baholarga o`qidi. Bugungi 
kungacha “Yosh olim”, “Izlanish va ijod” to`plamlarida, “Filologiya masalalari” 
ilmiy jurnalida 6 ta ilmiy maqolasi chop etildi. Yaqinda rus tilini o`qitish 
metodikasi bo`yicha kurs ishini muvaffaqiyatli himoya qildi. 2015-yilda rus va 
o`zbek tillarini qiyoslab o`rganish yuzasidan o`z loyihasi bilan ishtirok etib, tanlov 
g`olibi bo`ldi. Shu yili o`qishdagi muvaffaqiyatlari uchun Toshkent shahar 
“Kamolot” ijtimoiy yoshlar kengashining maxsus sovrinini qo`lga kiritdi va 10 
kunga Moskva shahriga yuborildi. 
Nargiza Narimonova o`z guruhi va fakultet jamoat ishlarida ham faol 
ishtirok etadi. Guruhdoshlari bilan xushmuomala, odobli va intizomli talaba. 
O`tgan 3 yil davomida sababsiz dars qoldirmagan, ustozlariga hurmat-e’tiborli. O`z 
bilimlarini oshirib borish ustida tinmay izlanadi, iqtidorli talabalar guruhlari bilan 
o`tkaziladigan qo`shimcha mashg`ulotlarga muntazam qatnashadi. 
Turmushga chiqmagan. 
Nargiza Narimonova nomzodini Alisher Navoiy nomidagi stipendiyaga tavsiya 
qilish mumkin. 
O`zDJTU 
“Rus tili va adabiyoti” kafedrasi mudiri D.S.Sattorov 
Sana muhr