Oʻzbekiston respublikasi oliy va oʻrta maxsus ta’lim vazirligi

3.2. Ilmiy rahbarning vazifalari:
Ilmiy rahbari ishga rahbarlik qilishda quyidagi vazifalarni bajarishi kerak:
- talaba ishni bajarishi uchun vazifani tasdiqlab berish;
- ishning rejasini tuzishda talabaga yordam berish va adabiyotlarni tavsiya etish;
- talabaning rejasini tasdiqlashi, reja boʻyicha muntazam ravishda ishni tekshirishi, maslahatlar va koʻrsatmalar berishi;
- talaba ishini bajarishda tashkiliy va uslubiy yoʻnalishlar berib borishi.
3.3. Talabaning vazifalari:
Talaba mustaqil ishni bajarish jarayonida quyidagilarni bajarishi lozim:
- ishning mavzusini kafedraning talablaridan kelib chiqqan holda tanlash;
- ilmiy rahbar tuzib bergan reja asosida berilgan topshiriqlarni oʻz vaqtida bajarish;
- oʻrnatilgan tartib boʻyicha mustaqil ishning hisobini oʻz vaqtida kafedraga taqdim etish kerak.
Talaba mustaqil ishni nazorat qilish kafedrada ishlab chiqilgan jadval va fanning texnologik xaritasi asosida olib boruvchi professor-oʻqituvchi tomonidan amalga oshiriladi. Talabaning reyting koʻrsatkichlari, shu jumladan mustaqil ishi boʻyicha fakultetning an’anaviy guruh reyting oynasida yoki maxsus electron tarmogʻida yoritib boriladi. Talaba mustaqil ishning nazorat qilish turlari va uni baholash mezonlari ishlab chiqiladi va fakultet ilmiy kengashida tasdiqlanadi.
“Maktabgacha pedagogika” va “Maktabgacha ta’lim menejmenti” fanlari boʻyicha mustaqil ishlarni baholash mezonlari talabalarga oʻquv yili boshlanishi oldidan uslubiy materiallar bilan birgalikda tarqatiladi. Talaba mustaqil natijalari amaldagi “Oliy ta’lim muassasalarida talabalar bilimini nazorat qilish va baholashning reyting tizimi toʻgʻrisidagi Nizom” asosida amalga oshiriladi.
“Maktabgacha pedagogika” va “Maktabgacha ta’lim menejmenti” fanlari boʻyicha mustaqil ish mavzulari va baholash mezoni kafedraning yigʻilishi qaroriga binoan amalga oshiriladi. Fan yuzasidan mustaqil ishlari boʻyicha oʻzlashtirish muntazam ravishda talabalar guruhlarida, kafedra yigʻilishlari va fakultet ilmiy Kengashlarida muhokama etib boriladi. Talabaning mustaqil ish materiallari kafedra arxivida roʻyxatga olinadi va oʻquv yili mobaynida saqlanadi.
Fanlar boʻyicha talabaning mustaqil ta’limi shu fanni oʻrganish jarayonining tarkibiy qismi boʻlib, uslubiy va axborot resurslari bilan toʻla ta’minlangan. Talabalar auditoriya mashgʻulotlarida professor-oʻqituvchilarning ma’ruzasini tinglaydilar, misol va masalalar yechadilar.
Auditoriyadan tashqarida talaba darslarga tayyorlanadi, adabiyotlarni konspekt qiladi, uy vazifa sifatida berilgan misol va masalalarni yechadi. Bundan tashqari ayrim mavzularni kengroq oʻrganish maqsadida qoʻshimcha adabiyotlarni oʻqib referatlar tayyorlaydi hamda mavzu boʻyicha testlar yechadi.
Mustaqil ta’lim natijalari reyting tizimi asosida baholanadi. Uyga vazifalarni bajarish, qoʻshimcha darslik va adabiyotlardan yangi bilimlarni mustaqil oʻrganish, kerakli ma’lumotlarni izlash va ularni topish yoʻllarini aniqlash, internet tarmoqlaridan foydalanib ma’lumotlar toʻplash va ilmiy izlanishlar olib borish, ilmiy toʻgarak doirasida yoki mustaqil ravishda ilmiy manbalardan foydalanib ilmiy maqola va ma’ruzalar tayyorlash kabilar talabalarning darsda olgan bilimlarini chuqurlashtiradi, ularning mustaqil fikrlash va ijodiy qobiliyatini rivojlantiradi. Shuning uchun ham mustaqil ta’limsiz oʻquv faoliyati samarali boʻlishi mumkin emas. Uy vazifalarini tekshirish va baholash amaliy mashgʻulot olib boruvchi oʻqituvchi tomonidan, konspektlarni va mavzuni oʻzlashtirish darajasini tekshirish va baholash esa ma’ruza darslarini olib boruvchi oʻqituvchi tomonidan har darsda amalga oshiriladi.
«Maktabgacha pedagogika» fanidan mustaqil ish 180 soatni oʻz ichiga oladi va quyidagi 30 ta katta mavzu koʻrinishida shakllantirilgan.