O’zbеkiston Rеspublikasi Oliy va O’rta maxsus ta’lim vazirligi

Xulosa

Izlanishim natijasida mamlakat Milliy iqtisodiyotining qanchalar muhim ekanligi, uni o’rganishning hozirgi zamonda eng dolzarb masalalardan biri ekanligi haqida ma’lumotlarga ega bo’ldim. Dunyo iqtisodiyotining asosiy makro darajadagi ko’rsatkichlari, ularning turlari va vazifalarini chuqur o’rganib chiqdim. Yalpi ichki mahsulot, Yalpi Milliy mahsulot kabi tushunchalarning ahamiyatini yoritishga e’tibor qaratdim. Yalpi ichki mahsulotni hisoblashning barcha turlarini o’rganib, uni kelajakda hayotga tadbiq qila olishni o’rganish muhimligini tushunib yetdim. Yurtimiz iqtisodiyotining barcha tarmoqlaridagi iqtisodiy ahvol bilan tanshib chiqish natijasida hozirgi kunda eng rivojlangan yoki rivojlantirilishga muhtoj bo’lgan tarmoqlarni va sohalarni tahlil qilishga harakat qildim. Buning natijasi o’laroq, mamlakatning tabiiy shart-sharoiti, aholining tarixan kelib chiqishi va urf-odat, an’analariga muvojiq holda kelgusida ahamiyat qaratishimiz kerak bo’lgan tarmoq va sohalarni aniqlash, yangi tarmoqlarni joriy etish va hozirgi tarmoq hamda sohalarni dunyodagi boshqa davlatlar iqtisodiyoti darajasida yuksaltirish, mamlakatning kelgusi yo’nalishini belgilab olish va ko’p yillik strategik rejalarni tuzib chiqish kabi bir qator juda muhim bo’lgan masalalarni yechishni oldimga maqsad qilib oldim. Bo’lajak iqtisodchi sifatida bu kabi masalalarni mukammal o’rganib chiqish, muammolarning asl mohiyatini va kelib chiqish sabablarini o’rganib, hal qilish kabi maqsadni o’z oldimga qo’ymoqdaman. Kurs ishida O’zbekiston Respublikasi milliy iqtisodiyotiga oid so’nggi makroiqtisodiy ko’rsatkichlar ham yozilgan bo’lib, bular 2017-yilgi O’zbekiston Yalpi ichki mahsuloti va uning tarmoqlar bo’yicha taqsimlanishi, o’sish darajasi va sur’atlari bo’yicha ma’lumotlardur. O’zbekiston Respublikasi Prezidenti Sh.M.Mirziyoyev tomonidan ishlab chiqilgan va juda istiqbolli deb kutilyotgan “2017 – 2021 yillarda O’zbekistonni yanada rivojlantirish bo’yicha Harakatlar strategiyasi” ning Milliy iqtisodiyotimizga ijobiy ta’sirlari to’g’risida ma’lumotlar keltirilgan. O’zimning fikrim bo’yicha, Milliy iqtisodiyotimizning tarmoq tarkibiga ba’zi o’zgartirishlar kiritish lozim. Sababi jahondagi qator iqtisodiy rivojlangan mamlakatlarni kuzatish jarayonida ularning iqtisodiyoti tarmoq tarkibi va tuzilishida bizning iqtisodiyotimiz bilan bir necha farqlar borligi kuzatiladi. Rivojlangan davlatlar iqtisodiyotining asosiy bo’g’ini sifatida xizmat ko’rsatish sohasi o’rtaga chiqadi, sanoati yirik monopolistik tashkilotlardan tashkil topgan. Bizda esa hozircha agrar industrial iqtisodiyotdan sanoatlashgan iqtisodiyotga o’tish jarayoni ketmoqda, xizmat ko’rsatish tarmog’i qanchalik rivojlanmasin uning Yalpi ichki mahsulotdagi tutgan o’rni unchalik katta emas. Shuning uchun mamlakatimizni xizmat ko’rsatish sohasini rivojlantirish, tubdan o’zgartirish va modernizatsiya qilish kerak deb hisoblayman.