O‘zbekiston respublikasi oliy va o‘rta maxsus ta’lim vazirligi urganch davlat universiteti filologiya fakulteti

Mavzuning o‘rganilishi. Turkiy tillarni qiyoslab o‘rganishning shakllanishida N.K.Katanov (Uryanxay tilini o‘rganish tajribasidan. Qozon 1903), N.I.Ilminskiy (oltoy tili grammatikasi. Qozon, 1969), P.M.Melkoranskiy (Qozoq-Qirg‘iz tilining qisqacha grammatikasi. Peterburg, 1894-1897) A.S.Samoylovich “Krim-tatar grammatikasidan qisqacha tajriba. Petrograd, 1916” kabi turkolog olimlarning xizmatlarini ham alohida ta’kidlash lozim. Turkiy tillarni qiyosiy-tarixiy usulda o‘rganish ishida chet el olimlaridan J.Deni, V.Bang, K.Brakelman, A.Emre, K.Gryonbek kabi olimlar ham ishtrok etdilar. Turkiy tillarni qiyosiy-tarixiy usulda o‘rganishda A.K.Barovkov, A.N.Kononov, E.V.Sevorten, V.M.Nasilov, B.A.Serebrennikov, N.A.Baskakov, E.R.Tenshiev, A.M.Shcherbak, N.Z.Gadjieva, S.Ye. Malov kabi olimlarning xizmatlari alohida tahsinga loyiq.
Keyingi yillarda turkiy tillar qiyosiy grammatikasiga bag‘ishlangan maxsus asarlar maydonga keldi. Bunga N.A.Baskakovning “Turkiy tillar tarixiy-tipologik marfalogiyasi (Moskva, 1979), A.Sh.Shcherbakning” “Turkiy tillarning qiyosiy marfologiyasi ocherklari” (Lelingrad, 1977, 1981), B.A.Serebrennikov va G.Z.Gadjievalarning “Turkiy tillarning qiyosiy-tarixiy grammatikasi” (Moskva, 1986) kabi asarlarni keltirish mumkin.