O’zbekiston respublikasi oliy va o’rta maxsus ta’lim vazirligi toshkent moliya instituti «Kasbiy ta’lim» kafedrasi

Mutaxassis kadrlarni tayyorlashning
maqsadi va vazifalari
Bugungi kun mutaxassis kadrlarni tayyorlashning asosiy maqsadi va vazifalari nimalardan 
iborat ekanligini ayting? 
1.2-mavzu. KASBIY PEDAGOGIKA FAN SIFATIDA VA 
UNING TADQIQOT METODLARI 
REJA: 
1. Kasbiy pedagogika ijtimoiy fan sifatida
2. Kasbiy pedagogikaning predmeti 
3. Kasbiy pedagogika faninig ilmiy-tadqiqot metodlari va ularning tavsifi 
4. O’rganishga oid izlanishlar va asosiy tushunchalar 
 
TAYANCH TUSHUNCHALAR: 
Barkamol avlod, kasb ta’limi, o’quv yurti, uzluksiz ta’lim, kasbiy pedagogika, 
shaxs, ma’naviy madaniyat, ma’naviyat, metod, ilmiy-tadqiqon metodi, laboratoriya 
metodi, test metodi, izlanish metodlari: nazariy, empirik, umumiy 
1. Kasbiy pedagogika ijtimoiy fan sifatida
Kasbiy ta’lim fani bizga, O‘zbekiston mustaqilligining birinchi yillaridan kirib 
keldi. CHunki, qo‘llanayotgan tajribalar kasbiy ta’limning asosi bo‘lib xizmat qiladi. 
Talabalarimizga kasbiy ta’lim, kasbiy tarbiya berish muammolari ko‘zga tashlanib 
qoldi. Har bir insonning hayoti asosini iqtisodiy faoliyat tashkil etar ekan, u albatta 
har bir odamdan iqtisodiy fikrlashga o‘rganishni talab qiladi. Ayniqsa, bozor 
iqtisodiyoti sharoitida bu talab yanada kuchayadi. 
Oliy o‘quv yurtining talabalari, ayniqsa iqtisodiy yo‘nalishdagi o‘quv yurtining 
talabalari esa iqtisodiy fikrlashni o‘rganibgina qolmay, keng doiradagi iqtisodiy 
muammolarni aniqlash, tahlil qilish, iqtisodiy rivojlanish tendensiyalariga baho 

---

19 
berish, bu o‘zgarishlar kelajakda qanday natijalarga olib kelishini ko‘z o‘ngida keltira 
bilishni o‘rganishi zarur. SHu o‘rinda Prezidentimiz Sh.M.Mirziyoyevning quyidagi 
fikrlarini ta’kidlash o‘rinlidir: “Yoshlarimizning mustaqil fikrlaydigan, yuksak 
intellectual va ma’naviy salohiyatga ega bo’lib, dunyo miqyosida o’z tengdoshlariga 
hech qaysi sohada bo’sh kelmaydigan insonlar bo’lib kamol topishi, baxtli bo’lishi 
uchun davlatimiz va jamiyatimizning bor kuch va imkoniyatlarini safarbar etamiz.”
3
SHunday qilib, bugungi kunda jamiyat hayotida yuzaga kelayotgan iqtisodiy 
muammolarni o‘z vaqtida anglab etgan holda ularni oqilona hal qilish uchun zaruriy 
chora-tadbirlar belgilash soha mutaxassislaridan juda katta bilim va malakani talab 
etadi. Bo‘lg‘usi iqtisodchilar bugungi davr talablariga javob berish uchun o‘z bilim 
va malakasini tinimsiz oshirib borishi, zamonaviy tajribalarni qunt bilan o‘rganishi, 
izlanishi lozim. Bu nafaqat bugungi kun kishilari, balki kelajak avlod oldida ham juda 
katta mas’uliyatni bo‘yniga olish demakdir.