O'zbekiston respublikasi oliy va o'rta maxsus ta'lim vazirligi toshkent temir yo'l muhandislari instituti

4.1-rasm. Deflektor SAGI

Shamol deflektorning silindrik to‘sig‘iga urilib, uning ichki qismida manfiy bosimli zona hosil qiladi, (samovar karnayini eslang), shuning natijasida xonadagi havo quvur (5) oqrali yuqoriga ko‘tariladi va tashqariga chiqib ketadi.

Deflektor ishining samaradorligi asosan shamolning tezligiga, hamda tomning yuqori nuqtasidan qancha balandlikka o‘rnatilishiga bog‘liq.
4.3. Ishlab chiqarish tsexlari havosini maqbul holatini diagramma orqali aniqlash.
Mexanik shamollarish. Mexanik shamollatish sistemalarida havoning harakati ventilyatorlar bilan yoki ayrim hollarda ejektorlar bilan yuzaga keltiriladi.

Avval aytganimizdek mexanik ventilyasiya 3 turli bo‘lib: havo beruvchi, so‘rib oluvchi va ikkovi birgalikda qo‘llaniladi.

Havo beruvchi sistema odatda quyidagi elementlardan tashkil topadi:


4.2-rasm.

1. 
   Toza havo qabul qiluvchi shaxta. Binodan tashqariga, havodagi zararli moddalar kam joylarga o‘rnatiladi.
   
2. 
   Havo quvurlari,
   
3. 
   Havo tozalovchi filtr,
   
4. 
   Havoni isitib beruvchi asbob- kalorifer.
   
5. 
   Ventilyator.
   
6. 
   Havoni ish joylariga tarqatib beruvchi kallaklar.