O’zbekiston respublikasi oliy va o’rta maxsus ta’lim vazirligi tosnkent moliya instituti

 

O’z-o’zini tekshirish uchun savollar 

1.  Kriptovalyuta deganda nimani tushunasiz? 

2.  Blokcheyn nima? 

---

377 

 

3.  Nima uchun bizning vatanimizda bunday texnologiyalarga qiziqish unchalik 

katta emas? 

4.  Kriptotanga nima? 

5.  Blokcheynning afzalligi va kamchiligi? 

 

5.2. Elektron hukumat asoslari 

Elektron  hukumat  tushunchasi  dastavval  XX  asrning  90-yillari  boshida 

AQSHda  paydo  bo’lgan.  Mazkur  tushuncha,  1991  yilda,  AQSHning  o’sha 

vaqtdagi  prezidenti  Bill  Klinton  davrida,  internet  va  umuman  axborot 

kommunikatsiya  texnologiyalarining  rivojlantirishga  davlat  darajasida,  alohida 

e’tibor  qaratgan  paytda  yuzaga  kelgani  ma’lum.  Klinton  ma’muriyati  davrida 

davlat  idoralari  hujjatlari  orqali  OAVga  tarqalgan  «Elektron  hukumat» 

tushunchasi, 1999 yildan boshlab, okean orti va Yevropaning yetakchi nashrlarida 

davriy ravishda va tez-tez uchray boshladi. Aynan shu davrda, «Elektron hukumat» 

va unga bog’liq tamoyillar tahlil va tadqiq qilingan  ilmiy  ishlar ham paydo bo’ldi. 

Misol uchun: Bellami Teylorning «Axborot asrida hukumat boshqaruvi» asarida 

davlat  boshqaruviga  elektron  axborot  kommunikatsiya  vositalari,  xususan 

internetni  tadbiq  etishning  nazariy  masalalari  ko’rib  chiqilgan  bo’lsa;  2002  yilda 

chop  etilgan  «Elektron  hukumat  strategiyasini  baholash  mezonlari:  strategik 

tahlil xulosasi» nomli risolada, elektron hukumatning  joriy qilishning  istiqbollari, 

uning  texnik  va  ijtimoiy  talablari  asosida  tahlil  qilingan  edi.  Keyingi  davrda, 

axborot  kommunikatsiya  texnologiyalari  borasida  rivojlangan,  yetakchi  davlatlar 

hukumatlarining  maxsus  qarorlari  orqali  amaliy  ishga  o’tildi.  Davlat  boshqaruvi 

sohasiga  axborot  kommunikatsiya  texnologiyalarini  joriy  etishni  ko’plab  nufuzli 

xalqaro tashkilotlar ham qo’llab quvvatlay boshlashdi.