O‘zbеkiston rеspublikasi oliy va o‘rta maxsus ta’lim vazirligi toshkent viloyati chirchiq davlat pedagogika instituti

Fanning vazifalari – Birinchidan (Geometrik va proyeksion chizmachilik), tekis geometrik shakllar, ularga doir turli geometrik yasash usullarini va ularning xossa hamda xususiyatlarini o‘rganadi. Tabiiy buyumlar va geometrik sirtlarning ortogonal va aksanometrik proyeksiyalarini hosil qilish hamda ularni chizish usullari va ularga oid bo‘lgan masalalarni yechishni o‘z oldiga maqsad va vazifa qilib qo‘yadi.
Ikkinchidan (Mashinasozlik chizmachiligi), turli mashina va mexanizmlarning detallarini yasash hamda ularni yig‘ish uchun tuzilgan chizmalarni chizish usullari, qonun - qoidalari va talablarini o‘rganadi.
Bu fandan bilimlar boshqa umumtexnika fanlarini o‘zlashtirishda va texnik ma’lumotlarni uzatishda asosiy manbalardan biri hisoblanadi. Uning ishtirokisiz biron bir ishlab chiqarish amalga oshmaydi. Shuning uchun konstruktorlik hujjatlarining yagona tizimi (YESKD) da qabul qilingan shartliliklar va soddalashtirishlardan foydalanib chizmani bajarishning samarali usullari haqida kengroq ma’lumot berish va mukammallashtirishga qaratilgan.Hozirgi zamon ishlab chiqarish sohalarining xarakteriga mos keladigan chizmalarning o‘ziga xos xususiyatlarini,ularga oid so‘nggi ma’lumotlar va qonun-qoidalarni, belgi va shartliliklarni bilish, to‘ldirish hamda o‘z bilimlarini oshirishda “Mashinasozlik chizmachiligi” ni ma’lum darajada mukammal o‘zlashtirishlari kerak. Bunda mashinasozlikda qo‘llaniladigan shartliliklar va soddalashtirishlar, ajraluvchi va ajralmas birikmalar, biriktirish moslamalari (bolt, shpilka, vint, kavsharlash, payvandlash va boshqalar), detal eskizi, ishchi chizma, cheklanish va o‘tqazishlar, sirt g‘adir-budurliklarining chizmalarda belgilanishi, turli uzatmalarni tasvirlash hamda yig‘ish chizmalarini tuzish va o‘qishni asosiy maqsad qilib qo‘yadi. Mashina va mexanizmlarning ishlash prinsiplarini ifodalovchi sxematik chizmalarni ham o‘z ichiga oladi.
Mashinasozlik chizmachiligining vazifasiga quyidagilar kiradi:

• 
  chizmada tasvirlar yasash qoidalari bilan tanishtirish;
  
• 
  chizma chizish va o‘qishda zarur bilim, ko‘nikma va malaka bilan qurollantirish;
  
• 
  konstruktorlik hujjatlarining yagona tizimi (YESKD) da qabul qilingan Davlat standarti talablari va grafik faoliyat bilan bog‘liq boshqa ma’lumotlarni berish hamda amalda ulardan mustaqil foydalana olishga o‘rgatish;
  
• 
  yig‘ish chizmasi detallarining eskizi, ish chizmalarini bajarishga, chizma hujjatlarini rasmiylashtirishga, chizmalardagi shartlilik va soddalashtirishlarni o‘rgatish;
  
• 
  turli buyum sirtlarini tahlil qila olishga, ularning konstruksiyalari, birikmalarini loyihalashga o‘rgatish.
  

Uchinchidan (Arxitektura - qurilish chizmachiligi), “Arxitektura - qurilish chizmachiligi” fani turar joy, maktab, ta’lim muassasalari, korxona va boshqa shu kabi binolarning chizmalarini bajarish hamda uni o‘qishni o‘rganadi.