O’zbekiston Respublikasi Oliy va o’rta Maxsus ta’lim Vazirligi Toshkent avtomobil-yo’llar instituti

2- Laboratoriya ishi

Kafolatli texnik xizmat ko’rsatish ishlari

1. 
   Ishdan maqsad: Avtotransport vositalariga kafolat davrida texnik xizmat ko’rsatish va ta’mirlash ishlarini texnologiyasini amalda o’rganish.
   
2. 
   Ishning mazmuni:
   
   0. 
      TXKS va ATV ishlab chiqaruvchi korxonalararo tuzilgan shartnoma mazmuni bilan tanishish.
      
   1. 
      Kafolat davrida bajariladigan ishlar turini o’rganish.
      
   2. 
      Kafolat davrida vujudga keladigan nuqsonlar ro’yxatini tuzish.
      
   3. 
      “Reklamatsiya blyuten”ni va “Draf” hisobot shaklini to’ldirishni o’rganish.
      
3. 
   Umumiy ma’lumot:
   

Kafolat davrining ahamiyati shundaki, bu davrda avtomobil bozordagi o’z o’rni va mavqeyini egallaydi.

Kafolat davrini avtomobil ishlab chiqaruvchi zavod belgilaydi. U yilda yoki masofa bilan belgilanadi. Misol uchun, “GM O’zbekiston” avtomobillari uchun kafolat davri 1 yil yoki 20 ming km, ulardan qaysi biri oldin tugasa, bunda kafolat davri tugagan hisoblanadi.

Kafolat davrida o’tkaziladigan texnik xizmat ko’rsatishning profilaktik ishlaridan tashqari agregat, tizim va uzellarni texnik holati ham tekshiriladi, uchragan nosozliklar bartaraf etiladi. Bu nosozliklarni bartaraf etish kafolatli ta’mirlash yo’li bilan bajariladi.

Avtomobil ishlab chiqaruvchi zavod tomonidan belgilangan ekspluatatsiya qoidalari buzilmagan taqdirda kafolatli ta’mirlash zavod hisobidan, aks holda mijoz hisobidan amalga oshiriladi.

Kafolat davrida uchraydigan nuqsonlar reklamatsiya beriladigan va berilmaydiganlarga bo’linadi. Reklamatsiya beriladigan nuqsonlarga agregatlarni moslama va maxsus jihozlarda bo’laklarga ajratib sozlash, detallarni bevaqt yeyilishi yoki sinishi, yoki bo’lmasa agregatni almashtirish kiradi. Reklamatsiya beriladigan nuqsonlar bo’yicha “Reklamatsion blyuten” va “Draf hisobot” to’ldiriladi. Zavodning kafolat belgilash “Nizomi” da qaysi detallarga kafolat belgilanmaganligi keltiriladi.

Reklamatsiya berilmaydigan nuqsonlarga normallarni (vint, gayka, elektrasaqlagich) va mayda detallarni almashtirish, hamda TXK yo’li bilan bartaraf etiladigan nosozliklar kiradi. Kafolat davrida o’tkazilgan TXK va kafolatli ta’mirlash ishlari to’g’risida servis kitobchasiga o’tkazilgan sana, avtomobilning yurgan yo’l masofasi qayd etilib, TXKS muhri bilan tasdiqlanadi.

4. 
   Ishni bajarish tartibi.
   
   0. 
      Laboratoriya o’tilayotgan TXKS bilan ATV ishlab chiqaruvchi zavodlararo tuzilgan shartnoma mazmuni bilan tanishiladi.
      
   1. 
      Kafolat davrida o’tkaziladigan TXK va ta’mirlash ishlar turlari keltiriladi. TXK turlari bo’yicha servis kitobchada keltirilgan ishlar ro’yxati, ta’mirlash ishlarini, esa kafolatli va kafolatsiz turlarga ajratish mezonlari ko’rib chiqiladi
      
   2. 
      Kafolat davrida uchraydigan nuqsonlar ro’yxati tuziladi. Buning uchun oxirgi bir oy ichida TX ko’rsatilgan avtomobili rusumi bo’yicha tuzilgan reklamatsiya blyutenlari taxlil etiladi.
      
   3. 
      “Reklamatsiya blyute”ni va “Draf” hisobot shakli bitta avtomabil bo’yicha to’lg’aziladi (shakli keltirilgan).
      
   4. 
      TXKSda kafolatli xizmat ko’rsatish ustaxonasi (post)ni jihozlar joylashtirilgan rejasi chiziladi.