O’zbekiston respublikasi oliy va o’rta maxsus ta’lim vazirligi toshkent moliya instituti magistratura bo’limi qo’l yozma huquqida

II BOB. MOLIYAVIY BARQARORLIKNI TA’MINLASH SHAROITIDA 
XIZMAT KO’RSATISH KORXONOLARI MOLIYASINING HOLATI 
VA UNGA TA’SIR ETUVCHI OMILLAR TAHLILI 
 
2.1. Xizmat ko’rsatuvchi korxonalar moliyasini tashkil etish amaliyoti 
 
Mamlakatimizda hukumatimizning servis sohasini rivojlantirish borasida 
olib borilayotgan siyosati tufayli yil sayin xizmat ko’rsatish bilan 
shug’ullanadigan mulkdorlar safi kengayib, soni ortib bormoqda. Natijada 
ulardan tushadigan tushumlar ham o’smoqda.  
Magistrlik dissertatsiyamizning izlanish obyekti sifatida xizmat ko’rsatish 
faoliyati bilan shug’ullanadigan xususiy uy-joy mulkdorlari shirkatlarining 
moliyaviy holati bo’yicha ilmiy izlanishlar olib borildi. Shu nuqtai nazardan, 
quyida xususiy uy-joy mulkdorlari shirkati moliyasining tashkil etish amaliyoti, 
uning moliyaviy holati tahlili hamda uning moliyaviy munosabatlarining 
samarali tashkil etishiga ta’sir etuvchi omillarni yumshatish kabi masalalarga 
to’xtalib o’tamiz. 
Xususiy uy-joy mulkdorlarining shirkati ko’p kvartirali bitta yoki yaqin, 
zich joylashgan, obodonlashtirish elementlari bo’lgan umumiy yer uchaskasi 
bilan qamrab olingan bir necha uydagi xususiy turar joylar mulkdorlarining 
birlashmasidir.  
Shirkat xususiy turar joylar mulkdorlarining tashabbusi bilan tashkil etiladi, 
u notijorat tshkilot bo’lib, o’z ustaviga muvofiq o’zini o’zi  boshqarish asosida 
faoliyat yuritadi. 
Shirkat o’z majburiyatlari bo’yicha o’ziga qarashli barcha mol-mulk bilan 
javob beradi va o’z a’zolarinining majburiyatlari bo’yicha javob bermaydi. 
Shirkat a’zosi shirkatning majburiyatlari bo’yicha javob bermaydi. 
Xususiy uy-joy mulkdorlari shirkat uy-joy fondini birgalikda boshqarish va 
uni saqlash, asrash va ta’mirlashni, ko’p kvartirali uydagi turuar joylar 
mulkdorlarining umumiy mol-mulkidan foydalanishini ta’minlash uchun tashkil 
etiladi. 
Shirkatning faoliyati quyidagi tamoyillarga asoslanadi: 

---

52 
– ixtiyoriylik; 
– tashkiliy va moliyaviy jihatdan mustaqillik; 
– o’zini o’zi boshqarish; 
– ochiqlik va oshkoralik; 
– o’z ishini bozor mehanizmlariga muvofiq shartnoma asosida tashkil etish; 
– kommunal xizmatlar va ta’mirlash xizmatlari bozoridagi raqobat; 
– uy-joy mulkdorlari oldida muntazam hisobot berish. 
Hozirgi kunda respublikamizda xususiy uy-joy mulkdorlari shirkatlari soni 
4753 tani (2015-yil 1-yanvar holatiga) tashkil etmoqda (5-rasm).