Фаннинг мақсад ва вазифалари
«Коррозиядан ҳимоя қилиш» фанини ўқитишдан мақсад – нефт-газни қайта ишлашда ва газ кимёси саноатида қўлланиладиган асосий қурималар: атмосфера колоннаси, турли хил ва турли максадларда ишлатиладиган реакторлар, иссиқлик алмашиниш қурилмаларида содир бўладиган коррозия жараёнлари, коррозияга олиб келувчи асосий ва ёрдамчи омиллар, коррозия сабаблари ва оқибатлари, ишлаб чиқаришда қўлланиладиган нейтрализатор ва ингибиторларнинг ҳимоя таъсирларини ўрганиш, комплекс ҳимоя усуллари ва уларнинг ижобий томонларини баҳолай олишбўйича назарий ва амалий билимларни шакллантиришдан иборат.
Фаннинг вазифаси – уни ўрганувчиларга:
кимёвий ва электрокимёвий коррозиянинг назарий тушунчалари;
коррозион жараёнларнинг таснифланиши;
коррозия турлари ва коррозия кўрсаткичлари;
металларнинг кимёвий ва электрокимёвий коррозияси;
коррозиянинг физик-кимёвий қонуниятлари;
машина ва жиҳозларнинг коррозион емирилишида конструктив фак-торларнинг таъсири;
жиҳозлар ва қурилмаларда содир бўладиган кимёвий-физикавий жараёнларнинг ва агрессив муҳитларнинг металларга салбий таъсири;
коррозия тезлиги ва уни аниқлаш усуллари;
металлар ва қотишмаларнинг коррозион тавсифлари;
металлар ва нометалл материалларни коррозиядан ҳимоя қилиш усуллари;
технологик жараёнларнинг асосий параметрлар ва маҳсулот таркиби-нинг коррозия тезлигига таъсири ва уларни ҳимоя қилиш усулларибўйича назарий-амалий билимларни узвийлик ва узлуксизликда ўргатишдан иборат.
Фан бўйича талабаларнинг тасаввур, билим, кўникма ва
малакаларига қўйиладиган талаблар
«Коррозиядан ҳимоя қилиш» фанини ўзлаштириш жараёнида бакалавр:
металлар ва қотишмаларнинг коррозион тавсифлари;
кимёвий ва электрокимёвий коррозия, коррозия турлари;
коррозия тезлиги ва унинг металлар электропотенциали билан боғлиқлиги;
жихозларни коррозиядан ҳимоя қилишда хом-ашё таркибининг таъсири;
технологик жараёнларнинг узлуксиз ва хавсиз ишлашини таъминлашда коррозиянинг ўрни ҳақида тасаввурга эга бўлиши;
коррозияга бардошли металлар ва қотишмаларини тўғри танлаш;
металл ва нометалл материалларни коррозияга бардошлилигини синаш усуллари;
металларни юпқа парда ва қопламалар ёрдамида коррозиядан ҳимоя қилиш усуллари;
анод ва катод ҳимояларини билиши ва улардан фойдалана олиши;
коррозион муҳитнинг агрессивлигини камайтириш;
коррозияни олдини олишда комплекс усулларни қўллаш;
коррозияни назорат килиш ва бошқариш;
рангли металлар асосидаги конструкцион материалларни олиш тўғрисида кўникмаларига эга бўлиши керак;
технологик жараёнларда олинган металл ва нометалл маҳсулотларнинг коррозион активлик даражасини аниқлаш;
металл ва нометалл жихозларни коррозиядан ҳимоя қилишда янги, илғор технологик жараёнларни таклиф қила олиш;
турли хил шароитларда кислородли ёки водородли кутубсизланиш билан борадиган коррозия тезлигининг олдини олишда керакли ингибиторларни қўллаш;
органик бирикмалар асосидаги коррозияга бардошли нометалл маҳсулотларни олиш;
бўйича экспериментал тадқиқотлар ўтказиш, уларнинг натижаларига ишлов бериш малакаларига эга бўлиши керак.
Do'stlaringiz bilan baham: |