Oʻzbеkiston rеspublikasi oliy va oʻrta maxsus taʼlim vazirligi toshkеnt moliya instituti

14.2. Oʻzbekistonda investitsiya va pay fondlari faoliyat mexanizmi 
Mamlakatimizda  investitsiya  va  pay  fondlari  faoliyati  2015  yil  25  avgustda 
OʻRQ-392-son  bilan  qabul  qilingan  “Investitsiya  va  pay  fondlari  toʻgʻrisida”gi 
Qonun bilan tartibga solinadi. Unga koʻra, “Investorlarning pul mablagʻlarini jalb 
etish  va  ularni  investitsiya  aktivlariga  qoʻyish  maqsadida  aksiyalar  chiqarishni 
amalga  oshiruvchi  yuridik  shaxs  —  aksiyadorlik  jamiyati  investitsiya  fondidir”
95
. 
Investitsiya  fondi  oʻz  faoliyatini  qimmatli  qogʻozlar  bozorini  tartibga  solish 
boʻyicha  vakolatli  davlat  organi  hisoblangan  Qimmatli  qogʻozlar  bozorini 
muvofiqlashtirish  va  rivojlantirish  markazi  tomonidan  beriladigan  litsenziya 
asosida amalga oshiradi. 
Investitsiya fondi quyidagi turda boʻlishi mumkin: 
-  oʻzi  chiqargan  aksiyalarni  qaytarib  sotib  olish  majburiyatiga  ega  boʻlgan 
investitsiya fondi; 
- oʻzi chiqargan aksiyalarni qaytarib sotib olish majburiyatiga ega boʻlmagan 
investitsiya fondi. 
Investitsiya fondining turi fondning taʼsis hujjatlarida koʻrsatiladi. 
                                                
94
  Frederic  S.Mishkin,  Stanley  G.Eakins.Financial  markets  and  institutions.  –  7th  ed.  –  USA:  Pearson,  2012.–  P. 
496. 
95
Ўзбекистон Республикаси “Инвестиция ва пай фондлари тўғрисида”ги Қонуни, 3-модда.