Oʻzbekiston respublikasi oliy va oʻrta maxsus taʼlim vazirligi toshkent moliya instituti

6.5 Qimmatli qog‘ozlar bozorini davlat tomonidan tartibga solish 
O‘zbekistonda qimmatli qog‘ozlar bozorini tartibga soluvchi tashkilotlar 2021 
yil aprelgacha O‘zbekiston Respublikasi kapital bozorini rivojlantirish agentligi 
(korporativ qimmatli qog‘ozlar bo‘yicha), O‘zbekiston Respublikasi Markaziy 
banki va O‘zbekiston Respublikasi Moliya vazirligi (davlat qimmatli qog‘ozlari 
bo‘yicha) hisoblangan.
O‘zbekiston Respublikasi Prezidentining 2021 yil 3 apreldagi “Davlat 
hokimiyati va boshqaruvi organlarining tuzilmasini maqbullashtirish va shtat 
birliklari sonini qisqartirish to‘g‘risida”gi PQ-5053-sonli qaroriga asosan Kapital 
bozorini rivojlantirish agentligini tugatish va uning barcha vazifa, funksiya va 
vakolatlarini Moliya vazirligiga berish to‘g‘risida qaror qabul qilindi. 
O‘zbekiston Respublikasi Kapital bozorini rivojlantirish agentligi - 
 
O‘zbekiston Respublikasi Prezidentining «Davlat aktivlarini boshqarish, 
monopoliyaga qarshi kurashishni tartibga solish tizimini va kapital bozorini tubdan 
takomillashtirish chora-tadbirlari to‘g‘risida» 2019 yil 14 yanvardagi PF-5630-
son Farmoni asosida shakllantirilgan edi. Agentlik O‘zbekiston Respublikasi Davlat 
raqobat ko‘mitasi huzuridagi Qimmatli qog‘ozlar bozorini muvofiqlashtirish va 
rivojlantirish markazining huquqiy vorisi hisoblangan. 
Avvallari Qimmatli qog‘ozlar bozorini muvofiqlashtirish va rivojlantirish 
markazi dastlab O‘zbekiston Respublikasi Davlat mulk qo‘mitasi tarkibida, 
keyinchalik O‘zbekiston Respublikasi Davlat raqobat qo‘mitasi tarkibida bo‘lgan. 
Keyinchalik mazkur markazning huquqiy vorisi hisoblangan
 
O‘zbekiston 

---

161 
Respublikasi Kapital bozorini rivojlantirish agentligi to‘g‘ridan-to‘g‘ri O‘zbekiston 
Respublikasi Vazirlar Mahkamasiga bo‘ysungan. Agentlik qimmatli qog‘ozlar 
bozorini tartibga solish bo‘yicha vakolatli davlat organi hisoblanib kelgan.