Oʻzbekiston respublikasi oliy va oʻrta maxsus taʼlim vazirligi toshkent moliya instituti

Litsenziyalash haqida 
O‘zbekiston Respublikasining “Ayrim faoliyat turlarini litsenziyalash 
to‘g‘risida”gi Qonuni; “Qimmatli qog‘ozlar bozori to‘g‘risida”gi Qonuni; 
“Qimmatli qog‘ozlar bozorida kasbiy faoliyatni litsenziyalash to‘g‘risida”gi Nizom 
(ro‘yxat raqami 308, 09.07.2003y.), “Qimmatli qog‘ozlar bozori professional 
ishtirokchisining ichki nazorati to‘g‘risida”gi nizomlariga (ro‘yxat raqami №1899, 
06.02.2009y.) ko‘ra, bozorning professional ishtirokchilariga litsenziyani Kapital 
bozorini rivojlantirish agentligi taqdim etgan. 
Litsenziya olish natijasida faoliyatni amalga oshirish mumkin bo‘lgan 
yo‘nalish turlari: 
1. Investitsiya vositachisi (depozitariy, anderrayting, market-mayker, diler, 
broker); 
2. Investitsiya maslahatchisi (transfer-agent); 
3. Investitsiya fondi; 
4. Investitsiya aktivlarining ishonchli boshqaruvchisi; 
5
.
Qimmatli qog‘ozlar bilan birjadan tashqari savdolar tashkilotchisi 
Qimmatli qog‘ozlar bilan birjadan tashqari savdolar tashkilotchisi sifatida 
professional faoliyat(lar)ni amalga oshirish uchun litsenziya beriladi. Yoxud 
litsenziya berish rad etilishi to‘g‘risida qaror qabul qilingan taqdirda rad etish 
to‘g‘risidagi bildirishnoma litsenziya talabgoriga rad etishning aniq sabablari va 
litsenziya talabgori ko‘rsatib o‘tilgan sabablarni bartaraf etib hujjatlarni takroran 
ko‘rib chiqishga taqdim etishi uchun etarli bo‘lgan muddat ko‘rsatilgan holda yozma 
shaklda yuboriladi (topshiriladi). 
Litsenziya oluvchilar toifasi

---

163 
Qimmatli qog‘ozlar bozoridagi kasbiy faoliyatni faqat yuridik shaxslar 
amalga oshirishlari mumkin. 
Litsenziya olish uchun zarur bo‘lgan hujjatlar: 
Litsenziya berish to‘g‘risida quyidagilar ko‘rsatilgan holdagi ariza: 
1. 
Yuridik shaxsning nomi va tashkiliy-huquqiy shakli, uning joylashgan joyi 
(pochta manzili), elektron pochta manzillari, bank muassasasining nomi va bank 
muassasasida talab qilib olinadigan depozit hisob raqami; litsenziya talabgori 
qimmatli qog‘ozlar bozorida amalga oshirish niyatida bo‘lgan kasbiy faoliyat. 
2. Litsenziya talabgorining arizasi litsenziyalovchi organ tomonidan ko‘rib 
chiqilganligi uchun litsenziya talabgori (chet el investitsiyalari ishtirokidagi 
korxonalardan tashqari) tomonidan yig‘im to‘langanligini tasdiqlovchi hujjat; 
3. Oxirgi hisobot sanasiga moliyaviy natijalar to‘g‘risidagi hisobot bilan 
birgalikda buxgalteriya balansi nusxasi (talabgor oxirgi hisobot sanasidan 
keyin tashkil etilgan hollardan tashqari); 
4. O‘zbekiston Respublikasi Moliya vazirligi tomonidan tasdiqlangan tartibga 
muvofiq oxirgi hisobot sanasiga o‘z mablag‘lari (sarmoyasi) miqdori hisob-kitobi; 
5.
 
Litsenziya talabgori bo‘lgan (investitsiya fondlaridan tashqari) rahbari va 
xodimlarining litsenziyalovchi organning malaka talablariga muvofiqligini 
tasdiqlovchi hujjatlarning nusxalari, shu jumladan litsenziya talabgori bo‘lgan 
yuridik shaxsning ular doimiy asosda ishga qabul qilinganligi to‘g‘risidagi 
hujjatlarning nusxalari, shuningdek yakka holda ijro etuvchi organ funksiyasini 
amalga oshiruvchi shaxslarning mehnat stajini tasdiqlovchi hujjatlarning nusxalari.