O’zbekiston respublikasi oliy va o’rta maxsus ta’lim vazirligi termiz davlat universiteti amaliy matematika kafedrasi

23.3. Amaliy dasturlar paketi (ADP).

Amaliy dasturiy ta’minot foydalanuvchining aniq bir vazifalari (ilovalari) ni ishlab chiqish va bajarish uchun mo’ljallangan. Amaliy dasturiy ta’minot tizimli DT, xususan, operatsion tizimlar boshqariluvi ostida ishlaydi. Amaliy DT tarkibiga quyidagilar kiradi;

- turli vazifalardagi amaliy dasturlar paketlari;

- foydalanuvchi va DT umumiy ish dasturlari.

Amaliy dasturlar paketlari (ADP) foydalanuvchi xal etayotgan vazifalarni avtomatlashtirishning kuchli qurolidir, u axborotni qayta ishlash bo’yicha komp’yuter biror ishni qanday bajarayotganini bilish zaruriyatidan amalda to’liq ozod etadi.

Hozirgi paytda o’z funksional imkoniyatlari va amalga oshirish usullariga ko’ra farqlanuvchi ADP ning keng spektri mavjud.

Amaliy dasturlar paketi (ADP) – bu muayyan sinf vazifalarini xal etish uchun mo’ljallangan dasturlar majmuidir.

ADP ning quyidagi turlar farqlanadi;

- umumiy vazifadagi (universal);

- uslubiy yo’naltirilgan;

- global tarmoq;

- hisoblash jarayoni tashkilotlari (ma’muriylashtirish).

Umumiy vazifadagi ADP – foydalanuvchi va umuman axborot tizimi funksional vazifalarini ishlab chiqish va foydalanishni avtomatlashtirish uchun mo’ljallangan.

Bu ADP sinfiga quyidagilar oiddir:

- matnli (matnli protsesorlar) va grafik muxarrirlar;

- elektron jadvvallar;

- ma’lumotlar bazasini boshqarish tizimlari (MBBT);

- integratsiyalangan paketlar;

- case-texnologiyalar;

- eksport tizimlar qobiqlari va sun’iy intellekt tizimlari.