O’zbekiston respublikasi oliy va o’rta maxsus ta’lim vazirligi termiz davlat universiteti amaliy matematika kafedrasi

19-MA’RUZA. MAVZU: ARXIVLASHTIRISH DASTURLARI.

MA’RUZA MASHG’ULOTI REJASI:

19.1.Fayllarni arxivlash

19.2.Arxivator bilan ishlash

19.3.WinZip, WinArj va WinRar tatbiqi

Tayanch so’z va iboralar: Arxivlash; Arxivatorlar; ZIP, LHARC, ARJ, RAR

19.1.Fayllarni arxivlash

Arxivlash – bu, axborotlarni tashqi olib yuruvchida (disk yoki disketda) ancha muvofiq joylashtirish maqsadida qisqartirish, zichlash va joylash degani. Arxivlash zarurati, axborotlarni kompyuterning dasturiy ta’minotini saqlash va uni buzilish va yo`qolishlardan himoya qilish maqsadida disk yoki disketga qo`shimcha nusxalash bilan bog`liq. Axborot yo`qolishini kamaytirish uchun, barcha dastur va fayllarning qo`shimcha nusxasiga ega bo`lish zarur.

Arxivatorlar (joylovchi) deb, axborotlarni qisqartirishning maxsus uslublarini qo`llash hisobiga kichik o`lchamdagi fayllar nusxasini yaratish imkonini beruvchi dasturga aytiladi, shuningdek zarur bo`lganda fayllarni dastlabki ko`rinishida chiqarish mumkin bo`lgan, bir necha fayl nusxalarini bir arxiv fayliga birlashtirish. Eng ko`p foydalaniladigan formatlar – ZIP, LZH, ARJ, RAR. Arxivatorlar yordamida uzun arxivlarni disketga joylashtirish, arxivlar tarkibini ko`rib chiqish, ularning butunligini nazorat qilish, ochib olish va boshqalarni amalga oshirish mumkin.

Afzalligi: xajmning kichrayishi, diskdagi joyning tejalishi, nusxalash tezligining o`sishi.

Kamchiligi: axborotlarni saqlash ishonchliligining o’zroq pasayishi, ko`plab amaliy dasturlar uchun, arxivga joylashgan ma'lumotlarning kira olmasligi.