O’zbekiston respublikasi oliy va o’rta maxsus ta’lim vazirligi termiz davlat universiteti amaliy matematika kafedrasi

20-MA’RUZA. MAVZU: ANTIVIRUS DASTURIY VOSITALAR.
MA’RUZA MASHG’ULOTI REJASI:
20.1.Antivirus skaner

20.2.Kasperskiy antivirus.

20.3.Dr.Web antivirus

20.4. Norton Antivirus

20.5. “Troyanlardan” himoyalanish. Trojan Remover

20.6.Tizimli reestrdagi o`zgarishni nazorat qilish
Tayanch so’z va iboralar: Antivirus; Antivirus monitor; .Kasperskiy antivirus; virus atmosferasi; Dr.Web antivirus

20.1.Antivirus skaner
Bu dastur, SHK ni kompyuter viruslari bilan zararlanishini to`xtatadi va zararlanish oqibatlarini bartaraf qilish imkonini beradi. U disk ma'lumotlarini tekshiradi, undagi virusni axtarib topadi (albatta, agar ma’lum bo`lsa), ularni yo`qotadi, buzilgan fayllarni tartibga keltiradi, agar buzilgan faylni to`g`rilay olmasa, u o`chiriladi. Antivirus dasturlar utilit-dasturlar turiga taaluqlidir.

Antivirus dasturlarni ikkita asosiy turga bo`lish mumkin:

• 
  Antivirus skaner – bu toifa, u yoki bu kompyuterga xos bo`lgan, unda dasturiy kodning mavjudligi, har qanday almashib olib yuruvchida yoki qattiq diskda mavjud bo`lgan fayl va kataloglarni tekshirish imkonini beradi. Bunda siz o`zingiz uchun har qanday qulay vaqtda tekshirishni ishga tushirishingiz mumkin;
  
• 
  Antivirus monitor – bu toifa, barcha ishga tushirilgan dasturlarni va nusxalangan (qayta joylangan, o`chiriladigan, ochiladigan) fayllarni doimiy nazorat qilish uchun mo`ljallangan. Qoidaga ko`ra, antivirus monitor operatsion tizim bilan birgalikda ishga tushiriladi va operativ xotirada bajariluvchi barcha jarayonlarni nazorat qiladi. Bunda kompyuter ishi bir qancha sekinlashadi, yoki umuman, juda sekinlashib qoladi. Bu yerda barchasi, qanaqa o`lchamdagi fayllar foydalanishiga bog`liq. Asosan ishning sekinlashishi o`yinlarda bilinadi.
  

Modomiki yangi viruslar muntazam paydo bo`lar ekan, virusning mavjudligini tekshirish uchun, kompyuteringizda antivirusning yangi ko`rinishidagi dasturlarini tez-tez topish va ishga tushirish lozim bo`ladi.

Eng ko`p tarqalgan antivirus dasturlar qatoriga Dr.Web, Symantec Norton Antivirus, Antiviral Toolkit Pro Platinum, Panda Antivirus Platinum, AVP va boshqalar kiradi.