O’zbekiston respublikasi oliy va o’rta maxsus ta’lim vazirligi termiz davlat universiteti maktabgacha ta’lim metodikasi kafedrasi maktabgacha ta’limda tasviriy faoliyatga o’rgatish metodikasi fanidan

Fanning o`quv rejasidagi boshqa fanlar bilan o`zaro bog`liqligi va uslubiy jihatidan uzviyligi, ketma-ketligi
«Maktabgacha ta’limda tasviriy faoliyatga o’rgatish metodikasi» fani 5-semestrda o`qitiladi. Mazkur fan «Maktabgacha pedagogika», “Elementar matematik tasavvurlarni shakllantirish metodikasi», «Bolalarni tabiat bilan tanishtirish metodikasi», «Maktabgacha ta’limda nutq va o’zga tilga o’rgatish metodikasi» va boshqa fanlar bilan bog’liqlikda o’tiladi.
Fanning ta`limdagi o`rni
Baklavrlar egallagan ilmiy bilim va malakalarini maktabgacha ta’lim yoshidagi bolalarni tarbiyalash jarayoni bilan bog’lamoqlari lozim. Ular maktabgacha ta’limda bolalarga tasviriy faoliyatga o’rgatish bo’yicha ta’lim-tarbiya ishlarini yanada takomillashtirish yo’llarini anglab yetishlari kerak. Aynan shu jarayonda ular kasbiy mahorotga, ijod va amaliyot bilan oshno bo’ladilar.
Fanni o`qitishda zamonaviy axborot va pedagogik texnologiyalar
Mazkur kurs zamonaviy-ma’naviy barkamol, har jihatdan sog’lom avlodni, komil inson shakllanishi, rivojlanishini ta’minlanishga har jihatdan yaqindan yordam bermog’i lozim. Kursni o’qitishda yangicha fikrlaydigan, yangicha tafakkur tarziga ega bo’lgan, milliy g’oya va mafkuraning asosiy tamoyillarini o’zida mujassam etgan shaxsni tarbiyalab voyaga etkazishga yordam berish nazarda tutiladi. Mana shu vazifalarni bajarishda bilimni talabalar ongiga singdirish, ularning amaliy faoliyatiga aylantirishda o’qituvchi qanday pedagogik texnologiyalardan ijodiy foydalanishi muhim ahamiyatga ega. Binobarin, darslarga ko’rgazmalilikka - turli albom, plakatlar, badiiy asarlardan namunalar o’qishga alohida ahamiyat berish ham yaxshi natija beradi.
Ushbu fanni o’qitishda pedagogik texnologiyaning aql charxi, BBB, Venna diagrammasi, «Tarmoqlar», «Aqliy hujum», «Bumerang», «Muammoli vaziyat», «Yelpig’ich», «FSMU», «Baliq skeleti», «Qora quti» kabi usullaridan foydalanish maqsadga muvofiq. Ta’limning interfaol metodlaridan foydalanish darsning qiziqarli bo’lishini ta’minlaydi.