O’zbekiston respublikasi oliy va o’rta maxsus ta’lim vazirligi termiz davlat universiteti biologiya kafedrasi

sistematika  -  biologiyaning  poydevori  hisoblanadi.  Sistematika  tuban  va  yuksak  o’simliklar 
sistematikasiga bo’linadi. Tuban o’simliklar sistematikasi bir qancha ilmiy fanlarga bo’linadi. 
Mikrobiologiya  (yunoncha  m  i  k  r  o  s  -mayda,  bios-  hayot,  logos  -  fan)  mikroblarning  hayotini 
hamda ularning tashqi muhit bilan aloqasini va organik dunyo uchun ahamiyatini, mikologiya (lot. 
mikos -zamburug’) zamburug’larni; algologiya (lotincha a l g o - suvo’t) - suvo’tlarni; lixenologiya 
(lotincha l i x ye n - lishaynik) lishayniklarni o’rganadigan fanlarga bo’linadi. 
Daraxt  va  butalarning  morfologiyasi,  sistematikasi,  ekologiyasi  va  xo’jalik  ahamiyatini 
dendrologiya (yunoncha dendron - daraxt, logos - ta’limot) fani o’rganadi. 
O’simlik  taraqqiyoti  evolyutsiyasini  o’rganishda  muhim  ahamiyatga  ega  bo’lgan  fanlardan 
paleobotanika (yunoncha palayos - qadimgi) - bu qazilma holida uchraydigan o’simliklar haqidagi 
fan bo’lib,o’simliklar olamining rivojlanish tarixini bilish uchun muhim ahamiyatga ega.