O’zbеkiston rеspublikasi oliy va o’rta maxsus ta'lim vazirligi samarqand davlat universiteti Pedagogika fakultеti Boshlang`ich ta'lim metodikasi kafеdrasi

Mustaqil ishning xatolari ustida ishlashda siz qanday mashqlardan foydalanasiz?
280. Quyidagi misollarning natijasini topishning usulini tushuntirish uchun o'qituvchi qanday usullardan foydlanishi mumkin: 999999+1, 100000-1, 198999+1, 1000000-1?
281. 4- sinfda o'quvchilar sonlarni og’zaki qo’shish va ayirishning qaysi usuli bilan tanishadilar? Ushbu usulning asosida qanday nazariy bilimlar yotadi?
282. Quyidagi ifodalar berilgan: 62+18, 96-38, 54+29, 26-19. Berilgan ifodalarning qiymatlarini topish uchun 4 – sinfda qaysi hisoblash usullaridan foydalanish mumkin? 2 – sinf o'quvchilari berilgan ifodalarning qiymatlarini topishda qanday fikrlaydilar? 3 xonali sonlar bilan o'xshash topshiriqlar tuzing.


IV-bob.
Ko’paytirish va bo’lish.


4.1. Ko'paytirish va bo’lish amallarining ma’nosi.

«Ko'paytirish va bo’lish» mavzusini o’rgnishni o’quvchilar 2 –sinfdan boshlaydilar, lekin tayyorgarlik ishi 1 – sinfda boshlanadi. Tayyorgarlik ishining mazmuni bir xil qo'shiluvchilarning yig’indisini topishga va bo’lishga doir amaliy masalalarni yechishdan iborat.

2- sinfda ko'paytirish va bo’lish terminlari hamda ushbu amallarning belgilari kiritiladi. Ko’paytirishning ma’nosi «Bir xil qo’shiluvchilarning qo’shilishi» bo’lib ifodalanadi va turli xil mashqlarni bajarish jarayonida o'quvchilar tomonidan o'zlashtiriladi. Bo’lish amalining ma’nosini o’zlashtirishning asosi sodda masalalarni yechishda o’quvchilar bajaradigan ko'rgazmali harakatlar hisoblanadi.
Topshiriqlar.
283. Quyidagi masalalrni e’tibor bilan o’qing:
a) Sherzod har biri 2 so’mdan 5 ta yulduzcha sotib oldi. Hamma yulduzchalarga Sherzod necha so’m to'ladi?
b) 2 ta qizcha 6 ta bayroqchani teng bo’lib oldilar. Har bir qizcha nechta bayroqcha oldi?
g) O'g’il bolalar 8 ta koptokni bo’lib oldilar, har biriga 2 tadan koptok tegdi. Nechta o’g’il bola koptoklarni oldilar?
Ushbu masalalarni 1 – sinf o’quvchilariga taklif qilish mumkinmi (dasturga mos ravishda)? 1-sinf o’qvchilari bu masalarning yechilishini qanday yozadilar? 1– sinfda bu masalarning maqsadi nimadan iborat? «Matematika – 1» darsligida shunga o’xshash masalalarni toping.
284. 1- sinfda quyidagi topshiriqni bajarishda o'quvchilarning mumkin bo’lgan fikrlarini keltiring: «>», «<», «=» belgilarini qo’ying: 7+7…7+7+7, 8+8+8+8…8+8, 3+3…3+3+3+3».
2 85. 1 – sinfda quyidagi topshiriqni bajarishga tayyorgarlikda o'quvchilarga qanday mashqlarni taklif qilish maqsadga muvofiq: har bir sonni bir xil qo'shiluvchilar yig’indisi ko'rinishida tasavvur qiling:
12= + + 15= + 12= + + +
286. 1–sinf o'quvchilariga quyidagi topshiriqni taklif qilish mumkinmi? (dasturga mos ravishda): Natijalarni hisoblang va mumkin bo’lgan hollarda qo’shishga doir misollarni ko’paytirish bilan almashtiring: 8+8+8+8; 12+12+12; 28+82; 5+5+5+5+5+5+5; 4+8+5+9»? Topshiriqning qaysi qismini o'quvchilar 1–sinfda bajarishlari mumkin? Berilgan topshiriqni bajarishda 2 – sinf o’quvchilarining fikrlash namunalarini keltiring.
287. Quyidagi topshiriqlarni o’qituvchi qanday maqsadda berishi mumkin?
1. Ko’paytirishga doir misollarni qo’shish bilan almashtiring. 5x3, 3x2, 10x5, 2x7.
2. Berilgan misollarga rasmlar chizing: 3+2, 3x2, 3+4, 3x4.
3. Har biriga rasm chizib, ifodalarni taqqoslang;
8x2…8+2, 5x4…5+4, 6+3…6x3.