O’zbеkiston rеspublikasi oliy va o’rta maxsus ta'lim vazirligi samarqand davlat universiteti Pedagogika fakultеti Boshlang`ich ta'lim metodikasi kafеdrasi

191. +2 yoki + 3 jadvalli hollariga doir bilimlar mustahkamlash uchun ko'rgazmali qurol sifatida chizg’ichdan qanday foydalanish mumkin?
192. Qo’shish va ayirishga doir misollarni yechishda o’quvchilar ko'pincha xatoga yo’l qo'yadilar: to'g’ri javobga nisbatan ortiq yoki kam natija oladilar. Masalan:
7+2=8 9-3=7. Berilgan xatoning sababi nimada? Ularning oldini qanday olish mumkin?
193. Berilgan 3 ta son yordamida 4 ta misol tuzing va uni yeching. (4,5,7.)
194. 4 ni qo’shish va ayirishni o’rganishning qaysi bosqichda quyida keltirilgan mashqlardan foydalanish mumkin? Javobingizni asoslang.
1. Javobi 4 chiqadigan turli xil misollar tuzing.
2. Natijani hisoblang:
9+1= 6+2= 8-2=
10-1= 7+3= 4+2=
3. Qisqa misol bilan almashtiring:
6+2+2= 6-2-2=
7+3+1= 7-3-1=
Har bir misolda qanday sonni qo’shdik (ayirdik)?
4. 8 ta kitobdan 2 ta kitob olindi. Hammasi bo’lib nechta kitob olindi?
5. 4 ta olmaning oldiga 3 ta va yana 1 ta olma qo’yishdi. Hammasi bo'lib nechta olma qo'yishdi?
195. + 4 holini ko’rib chiqishda bo'laklab qo’shish usuli qo’llaniladi. + 4 jadvalini tuzish bo'yicha eng qulay usulni topish uchun darsning qaysi bosqichida qanday didaktik materiallardan foydalanish mumkin?
Sxemali rasmni ko'rib chiqing va mos mashqlarni tuzing.



196. Matematik diktantining maqsadi qanday? (o’quvchilar daftarlariga faqat javoblarini yozadilar).

6 qo'shilgan 4;

5 va 4 sonlarining yig’indisini toping;
2 ni 4 ta orttiring;
9 ni 4 ta kamaytiring;
7 chiqishi uchun 3 ga qanday sonni qo’shish kerakligini yozing;
Dilshod 10 ta baliq tutdi, 4 tasini o'rtog’iga berdi. Uning nechta balig’i qoldi?
Shu maqsadda qo’llash mumkin bo’lgan matematik diktantni mustaqil tuzing.
197. Qo’shish va ayirish jadvallariga doir bilimlarni mustahkamlash uchun musobaqa- o'yinidan foydalanish mumkin. Shu maqsadda ifodalar yozilgan jadvalni va javoblari bilan kartochkalar tayyorlash kerak. O’ynayotgan o’quvchilar misollarni o’qiydilar va to’g’ri javobni topadilar. Javoblarni to’g’ri va tez topgan guruh yutadi. Darsda qo'shish va ayirish jadvalini bilishni mustahkamlaydigan yana qanday didiaktik o’yinlardan foydalanish mumkin?
198. Qo’shish va ayirish jadvalini o’zlashtirishning o'z-o’zini nazorat qilish uchun o’quvchilarga kartochkali mashqlarni taklif qilish mumkin. Kartochkaning bir tomoniga yig’indining yoki ayirmaning ifodasi, ikkinchi tomoniga esa ifodaning qiymati yozilgan. O’quvchi kartochkani olib ifodani o’qiydi va javobini aytadi. Agar javobi to’g’ri bo’lsa va o’quvchi kartochkaning orqa tomoniga qarab, ishonch hosil qilsa, u kartochkani bir tomonga, agar noto'g’ri bo’lsa, ikkinchi tomonga qo’yadi. Keyin o’quvchi yechishda xatoga yo'l qo’ygan kartochkalar bilan mashqni takrorlaydi. Berilgan topshiriqni o’quvchilar uyda mustaqil bajarishlari mumkin. Berilgan didaktik materialni darsda qanday qo’llash mumkinligini tushuntiring.
199. Nima uchun + 5, + 6, + 7, + 8 hollari uchun «bo’laklab qo’shish» emas, qo’shiluvchilarning o'rnini almashtirish usulidan foydalanish qulayroq? 1+8, 3+7, 4+5 ifodalarning qiymatlarini topishda o'quvchilarning mumkin bo’lgan fikrlarini keltiring. Qo’shilishning berilgan hollari uchun «bo'laklab qo’shish» usulidan foydalanish mumkinmi?