O‘zbekiston respublikasi oliy va o‘rta maxsus ta’lim vazirligi samarqand davlat chet tillar instituti

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI

Samarqand davlat chet tillar instituti

5111400-Xorijiy til va adabiyoti (ingliz tili) bakalavriat ta’lim yo‘nalishi talabalari uchun “Tillar o’qitish metodikasi va ta’lim texnologiyalari” fanidan kurs ishi yozish bo‘yicha
USLUBIY KO‘RSATMA


SamDCHTI 2021
5111400-Xorijiy til va adabiyoti (ingliz tili) bakalavriat ta’lim yo‘nalishlari talabalari uchun “Tillar o’qitish metodikasi va ta’lim texnologiyalari” fanidan kurs ishi yozish bo‘yicha uslubiy ko‘rsatma.-S.: “SamDChTI nashri”, 2021, 22 b.

Davlat ta’lim standartlarida bakalavriat bosqichi talabalari “Tillar o’qitish metodikasi va ta’lim texnologiyalari” fani bo‘yicha bilimlarini, kasbiy vazifasini kurs ishi yozish orqali namoyon etishlari belgilangan. Ushbu uslubiy ko‘rsatmada kurs ishi mavzularini tanlash, adabiyotlar bilan tanishish, uni yozish, rasmiylashtirish, himoya qilish jarayonlari batafsil bayon etilgan.

Ushbu uslubiy ko‘rsatma 5111400-Xorijiy til va adabiyoti (ingliz tili) bakalavriat yo‘nalishlarida ta’­lim oluvchi talabalarga “Tillar o’qitish metodikasi va ta’lim texnologiyalari” fanidan kurs ishi tayyorlash va himoya qilish jarayonida uslubiy jihatdan yordam beradi.
Mazkur uslubiy ko‘rsatma Samarqand davlat chet tillar instituti o‘quv-uslubiy Kengashi yig‘ilishida ko‘rib chiqilgan va nashrga tavsiya etilgan (2021 yil 25 avgust 1-sonli majlis bayoni).
Kirish

Oliy ta’lim muassasalarida kurs ishi yozish bilimini namoyon etish shakllaridan biridir. Kurs ishi yozish talabalar uchun nazariy va amaliy bilimlarini oshirish, soha yangiliklari bilan tanishish, bitiruv malakaviy ishlarini yozishga tayyorgarlik ko‘rish uchun asos bo‘la oladi.

Davlat ta’lim standartlari bo‘yicha bakalavriat bosqichi talabalarining “Tillar o’qitish metodikasi va ta’lim texnologiyalari” fanidan olgan bilimlarini, kurs ishi yozish orqali ko‘rsatishi belgilangan. Jumladan, 3-kurs 5111400-Xorijiy til va adabiyoti (ingliz tili) bakalavriat ta’lim yo‘nalishlari talabalari kurs ishi tayyorlashlari va himoya etishlari ko‘zda tutilgan.