O‘zbekiston respublikasi oliy va o‘rta maxsus ta’lim vazirligi samarqand davlat universiteti filologiya fakulteti

Savol va topshiriqlar:
1. Matn bo‘yicha lug‘at tuzing.
2. Matnning birinchi xatboshisini tarjima qiling.
3. Matnda qo‘llangan sinonimlarni aniqlang.
4. Matnning mazmunini o‘zbek tilida gapirib bering.
5. Matndan ijodiy foydalangan holda “Poytaxtga sayohat” mavzusida mustaqil matn tuzing.


15-MAVZU: OMONIMLAR VA ULARNING TURLARI: LEKSIK, FRAZEOLOGIK VA MORFOLOGIK OMONIMLAR. “SAMARQAND – SHARQ GAVHARI” MATNI
Shakldosh so‘zlar - (Omonimlar yunoncha homos – “bir xil”, onoma yoki onyma – “nom” dеgan ma'nolarni bildiradi) talaffuzi va yozilishi bir xil, ammo ma’nosi har xil bo‘lgan so‘zlardir: yuz (ot) – yuz (son), tut (daraxt)–tut (harakat).
Shakldosh so‘zlar bir so‘z turkumiga (yosh – ko‘z yoshi, yosh – umr o‘lchovi), ikki xil so‘z turkumiga (och – sifat, och - fе'l), uch xil so‘z turkumiga (oshiq – ot, oshiq – fе'l, oshiq – sifat; hur – ot, hur – sifat, hur - fе'l) ham oid bo‘lishi mumkin. Bir turkum doirasidagi shakldoshlik asosan ot va fе’llarda mavjud. Bunday shakldosh so‘zlar qo‘shimchalar qabul qilganda ham shakldoshligini saqlab qolavеradi.