O’zbеkiston rеspublikasi oliy va o’rta maxsus ta'lim vazirligi samarqand davlat universiteti Maktabgacha va boshlang’ich ta’lim fakulteti

1.3Fanning boshqa fanlar bilan bog’liqligi
Matematika o’qitish metodikasi pedagogika, psixologiya va yosh psixologiyasi fanlari bilan bog’liq. Boshlang’ich matematika metodikasi ta'limning boshqa metodikalari (ona tili, tabiatshunoslik, rasm va boshqa fanlar metodikasi) bilan uzviy bog’lanadi.
Predmetlararo bog’lanish to’g’ri amalga oshirish uchun o’qituvchi buni hisobga olishi juda muhimdir.
Bolalarda elementar matematik tasavvurlarni rivojlantirish vazifalari va bolalar bog’chasida arifmetika asoslarini tarkib toptirish, miqdor, makon va zamonga oid tasavvurlarni rivojlantirish o’qitishning asosiy shartidir.
Ma'ruzada metodika fanining asosiy ilmiy izlanishlari natijalariga tayangan holda, ilg’or o’qituvchilarning ish tajribasi bilan boyitilgan materiallar asosida bayon qilinadi. Amaliy va laboratoriya mashg’ulotlarida esa, talabalar turli-tuman metodik manbalarni (dastur, metodik qo’llanma, darslik, mashqlar sistemasini tahlil qilish va uni tuzatish kabilar) o’rganish bilan birga, metodik adabiyotlarga ijodiy yondoshib, ulardan o’qitish ishlarini tashkil qilishda, ilmiy izlanishlar olib borishda foydalanadilar. Bu mashg’ulotlarda talabalar dars ishlanmalari tuzish, turli metodik yo’nalishga oid ma'ruzalar yozish va bunda har bir mavzuga qay yo’sinda yondoshish muhim ahamiyatga ega ekanligini har tomonlama muhokama qilish bilan ham shug’ullanadilar. Talabalar o’z ma'ruzalarida shaxsiy mulohazalari, kuzatishlaridan bemalol foydalanish imkoniyatiga ega bo’ladilar.