O’zbеkiston rеspublikasi oliy va o’rta maxsus ta'lim vazirligi samarqand davlat universiteti Maktabgacha va boshlang’ich ta’lim fakulteti

«Koinotga parvoz» o'yini
Sinf uch ekipajga bo^’lib chiqiladi. Har bir ekipajning raketasi bo'lib, unga topshiriqlar yozilgan kartochkalar qo'yiladi. Topshiriqlar soni har bir ekipaj a'zolari soniga muvofiq kelishi lozim. O'qituvchi bunday deydi: «Bolalar, hozir biz kosmik sayohatga jo'naymiz. Barcha misollarni birinchi bo'lib yechgan ekipaj­ning raketasi birinchi parvoz qiladi». Signal bo'yicha o'quvchilar misollarni yechishga kirishadilar. Oxirgi o'quvchi raketani ko'taradi. Agar barcha javoblar to'g'ri bo'lsa, ekipaj koi­notga start oladi.
Shu o'yinlarni va bularga o'xshash o'yinlarni tanlashning sabablari shundaki, aynan ana shunday o'yinlar va ular orqali ta'lim berish har bir o'quvchiga o'z kuchini sinab ko'rish imkonini beradi. O'qituvchiga esa darsda bolalarni toliqtirmay, aksincha, ularning shaxsiy qobiliyatlarini rivojlantirgan holda o'qitish imkonini yaratadi.
Bolalarni o'ylashga, voqea-hodisalarning mohiyatiga chuqur kirib borishga o'rgatadi, ular­ning o'qituvchi so'ziga va hatti-harakatlariga diqqat-e'tiborini oshiradi, o'quv-tarbiyaviy jarayonining faol ishtirokchilariga aylantiradi. Zero, bolalarning tafakkur mustaqilligi, nazariy materialni amaliy faoliyat bilan bog'lash mahorati, ularning boshlang'ich maktabda qanchalik ongli, ijodiy, ishtiyoq bilan o'qishlariga bog'liqdir. Bu o'yinlar orqali o'quvchilarning bilimlarini takomillashtirish fanlararo bog'lanish, tarbiyaviy ishlar bilan birga olib boriladi.