O‘zbekiston respublikasi oliy va o‘rta maxsus ta’lim vazirligi r. Sh. Turdibekova O‘zbek tilining sohada qo’llanilishi

Til va ma‘naviyat. Til odamlar o‘rtasida o‘zaro muomala, aloqa vositasi. Insonni butun mavjudot olamining sarvariga aylantirgan bu noyob hodisa keyinchalik tafakkur quroli tarzida namoyon bo‘ldi. Boshqacha aytganda, til insoniyatning bebaho boyligi, buyuk imkoniyatidir.

O‘zlikni anglash, milliy ong va tafakkurning ifodasi, avlodlar o‘rtasidagi ruhiy-ma’naviy bog‘liqlik til orqali yuz beradi. Jamiki ezgu fazilatlar inson qalbiga, avvalo, ona allasi, ona tilining betakror jozibasi bilan singadi.

Ona tilini rivojlantirish har qanday xalq mustaqilligining, millat ma’naviy o‘zligining dastlabki shartlaridan biridir. Chunki til xalqning, millatning tarixi, madaniy merosi, turmush tarzi, urf-odati va an’analarini o‘zida mujassamlashtirgan xazinadir.

O’zbek tiliga Davlat tili maqomi berilganligining 28 yilligi munosabati bilan bugun Buxoro shahridagi 23-maktabda “Til – ma’naviyat ko’zgusi” nomli konferensiya hamda tadbir bo’lib o’tdi. Tadbirni maktab ma’muriyati bilan Filologiya fakulteti filologiya va tillarni o’qitish (o’zbek tili) ta’lim yo’nalishining amaliyotchi-talabalari tashkil etdi. Tadbirda maktab o’quvchilari faol ishtirok etib, tilimizni madh etuvchi she’rlar va qo’shiqlar kuylashdi.

Konferensiyada til haqida Buxoro davlat universiteti dotsenti Sh.Hayitov, BuxDU o’qituvchisi Sh. G’ulomova hamda O’zbekiston “Milliy tiklanish” Demokratik partiyasi vakili M.Qurbonova ma’ruza o’qidi.

Haqiqatan ham, birinchi prezidentimiz Islom Karimov ta’kidlaganidek, ajdodlardan avlodlarga o‘tib kelayotgan bebaho boylikning vorislari sifatida ona tilimizni asrab-avaylashimiz, uni boyitish, nufuzini yanada oshirish ustida doimiy ishlashimiz zarur.

Shunday ekan, “Davlat tili haqida”gi qonunning hayotga tatbiq etilishiga, o‘z ona tilimizni ulug‘lash, mavqeini yanada yuksaltirish, uning jahonaro baralla yangrashiga hissa qo‘shish o‘zini shu yurtning haqiqiy farzandi deb bilgan har bir inson uchun muqaddas burchdir.

DАVLАT TILI – MUSTАQIL DАVLАTIMIZNING MUQАDDАS TIMSОLIDIR