O’zbekiston respublikasi oliy va o’rta maxsus ta’lim vazirligi qarshi davlat universiteti

Axborotni yig’ish, saqlash va ishlov berishning yangi texnologiyasi. 
Kompyuterning paydo bo’lishi jamiyat rivojlanishida inqilobiy o’zgarishlarga sabab bo’ldiki, insonga 
axborotni yig’ish, saqlash va ishlov berish bilan bog’liq bo’lgan aqliy mehnatni  avtomatlashtirish imkonini 
berdi.  Bu  xildagi  jarayonlarni  avtomatlashtirish  iqtisodiy-tashkiliy  tizimlarga,  texnologik  jarayonlarni 
boshqarishga,  loyihalar  tuzish,  ilmiy  izlanishlar, o’qish-o’rganish  va  boshqa  sohalarga  kirib  bordi.  Shunday 
qilib, ilmiy-texnik rivojlanishning asosiy yo`nalishi paydo bo’ldi. 
Kiritish-chiqarish  qurilmalari  bilan  ta‘minlangan  kompyuterlar  katta  hajmdagi  axborotlarni  yig’ib, 
xotirada  saqlab turishi  va kerak  bo’lganda  katta  tezlikda  kerakli axborotni  berishi  mumkin.   Masalan:  100 
Mbaytli disk o’zida O’zbekiston Qomusining 25 tomini saqlay oladi, uni o’qib olish uchun esa 1 minut vaqt 
kifoya. 
Axborot texnologiyasi deganda, hajmi oshib borayotgan axbor oqimini yig’ish, saqlab turish, ishlov 
berish  va  uzatishni  kompyuterlar  yordamida  amalga  oshiradigan  usullar  majmuasi  tushuniladi.  Ushbu 
usullarni  turli  ko’rinishda  ishlatilishi  insonga  zarur  axborotlarni  olish  uchun  kompyuter  bilan  muloqatda 
bo’lishni taqozo etadi. 
Axborotlarni  qayta  ishlashning  yangi  texnologiyalari  yordami  bilan  jahonning  turli  burchaklaridagi 
kitobxonalardan foydalanish, ilmiy anjumanlarda qatnashish, soha mutaxassislaridan maslahatlar olish, fikr 
almashinish  va  boshqa  ishlarni  amalga  oshirish  mumkin.  Jamiyat  rivojiga  yordam  berishi  uchun  shaxsiy 
kompyuterlar moddiy va ma‘naviy boyliklar ishlab chiqishning turli sohalariga jadal kirib bormoqda. 
Kompyuter  deganda, axborotlar va hisoblashlarni algoritm asosida ishlov berishni tezlashtiradigan 
yoki avtomatik tarzda amalga oshiradigan qurilma tushuniladi. 
Informatika  va  axborot  texnologiyalari  esa  axborotlarni  kompyuter  yordamida  ishlov  berishni 
o’rganadi.  
Hammaga  ma‘lumki  kompyuter  hisoblashlarni  avtomatlashtirish  vositasidir.  U  keng  ko’lamdagi 
masalalarni: fan, texnika, tibbiyot, aloqa va boshqalarni hisoblashda ishlatiladi.