O‘zbekiston respublikasi oliy va o‘rta maxsus ta'lim vazirligi qarshi davlat universiteti

II BOB. TA’LIM TARBIYADA SO’ZLI DIDAKTIK O’YINLARDAN FOYDALANISH TEXNOLOGIYALARI 2.1.MTMda bolalarga ta’lim tarbiya berishda so’zli didaktik o’yinlar texnologilayalari

• Bolalarning yetarli so'z boyligi to'planganidan, ular atrof-muhit haqida ma'lum darajada bilimga ega bo'lganlaridan so’ng didaktik o'yinlar o'tkazilsa maqsadga muvofiq va qiziqarli bo'ladi. Gapirib o'ynaladigan o'yinlar ko'p bolalar bilan o'tkazilganda, bitta savol bir necha marta takrorlanishi, javoblar esa har xil bo’lishi mumkin. Bu talab o'yinning asosiy qoidasini tashkil qiladi. Masalan, "Shifokor nima qiladi?” degan savolga, "Kasallarni davolaydi", "Dori yozib beradi” "Ukol qiladi", "Eshitib ko'radi", "Operatsiya qiladi" kabi javoblar qaytarilishi mumkin.
• Bolalar bilan o'tkaziladigan so'zli didaktik o'yinlarda foydalaniladigan savollar tushunarli va tanish narsalar yuzasidan berilishi kerak. O'yin jarayonida bolalarning savollarga qaytargan javoblari qisqa, ketma-ket va qo'shimcha savolsiz bo’lishi lozim. O'yin paytida mazkur qoidaga amal qilinmasa, uning o'yinlik xususiyati yo'qoladi, oddiy suhbatga aylanib qoladi. Mana shuning uchun ham bolalarga beriladigan savollar oldindan puxta o'ylab tuzilgan bo’lib maqsadga muvofiqdir. O'yin shaklida o'tkaziladigan mashqlar bolalarning diqqatini o'ziga jalb qiladi, qiziqishini oshiradi. Natijada ular takrorlash zarur bo'lgan so'z yoki harakatni o'zlarini qiynamay, majbur qilmay osonlik bilan qaytaradilar.
• Didaktik o'yinlar bolalarning har tomonlama chuqur va keng bilim olishlarida, nutq o'stirishda keng foydalaniladigan ta'limi vositalardan biri hisoblanadi. Bunda o'yinning asosiy mohiyati shundaki, kattalar bolalarga biror aqliy vazifani o'yin shaklida bajarishni topshiradilar. Didaktik o'yin xuddi boshqa o'yinlar kabi xushchaqchaqlik tuyg'usini uyg'otishning ta'sirchan qurolidir. Didaktik o'yinlarning asosiy turlari quyidagilardan iborat: intelektual, harakatli, aralash o'yinlar.