O‘zbekiston respublikasi oliy va o‘rta maxsus ta‘lim vazirligi qarshi davlat universitetining pedagogika instituti

 
Suhbatdoshingiz his-tuyg‘ularini tasvirlang 
Faraz qiling, suhbatdoshingizning uyi bir oy oldin qasddan yondirilgan bo‘lsa-da, bugun u 
«Men hozir o‘zimni yaxshi his qilyapman», – deyishi mumkin. Shunda siz undan „Kecha juda 
qo‘rqib ketgan bo‘lsangiz kerak-a?”, – deb so‘rasangiz, uning kechagi ruhiy holatini yana 
jonlantirishingiz mumkin. Insonga ruhiy holati haqida eslatish uning xotirasida nafaqat o‘tgan 
voqeani, balki uning kechagi kechinma va o‘ylarini ham jonlantiradi.
 
O‘zingizni hamdard kishidek ko‘rsating 
Ba’zi bir jurnalistlar «Sen menga dardingni ayt, men ham senga dardkash bo‘laman» usulidan 
foydalanishadi. Suhbatdoshingiz bilan dildan gaplashsangiz, u ham yuragidagi gaplarini sizga 
aytishi mumkin. Biroq, bu ruhiy konsultatsiyaga aylanib ketishi ham mumkin. Shuning uchun 
bu usuldan unchalik ko‘p foydalanmaganligingiz ma’qul.
 
O‘zingizni go‘ldek tuting 
Xuddi shunday «bechoragina men» usulidan ham foydalanishingiz mumkin. O‘zingizni yaxshi 
tushunmayotgan qilib ko‘rsating. Bilmasligingizni kamtarona «Men huquqshunos emasman, 
ammo menimcha…» tarzida ifodalang. Bexabarligingiz sababli sizda paydo bo‘lgan 
ikkilanishni hal qilish uchun suhbatdoshingiz yanada oddiyroq tushuntirishga harakat qiladi va 
shu tariqa u yangi ma’lumot beradi.
 
Suhbatdoshingizni o‘z hissiy ta’sirchanligingiz bilan hayron qoldiring 
Bu usul g‘ayrioddiy, ammo ba’zida ish beradi. Masalan, «Naqadar qabihlik!», «Qanday 
qo‘llaridan keladi-a?». Sizdan tasdiq emas, savol kutgan suhbatdoshingiz bu «nafrat»ingizga 
javoban o‘z-o‘zidan ta’sirlanib ketishii va masalaning siz kutmagan barcha tafsilotlarni aytib 
berishi mumkin.
 
Jo‘rttaga noaniq yoki xato faktlarni keltiring 
Intervyu beruvchi javob berishdan qochsa, uni soxta faktlar orqali suhbatga chorlang. 
«Eshitishimcha, bu yil hamkor tashkilot bilan avtomobil savdosidan bor-yo‘g‘i 500 ming dollar 
foyda ko‘ribsizlar. (Siz bilasizki, foyda 2 milliondan 3 milliongacha bo‘lgan). Odamlar 

---

112 
suhbatdoshining xatosini tuzatishdan o‘zlarini tiya olmaydilar, ayniqsa, bu xatolar ularga 
shaxsan tegishli bo‘lsa.